नो पार्किङ विवादले आमजनतामा अन्यौलता सृजना गर्‍योः काँग्रेस मकवानपुर 

२५ साउन, हेटौँडा । नो पार्किङको  विरोध  गर्दै आएका हेटौँडाका  व्यवसायी र हेटौँडा उपमहानगरपालिका बिच विवाद चुलिदै गएपछी  नो पार्किङप्रति नेपाली कांग्रेस मकवानपुरको ध्यानाकर्षण भएको जनाएको छ  ।
कांग्रेस मकवानपुरले शुक्रबार एक विज्ञप्ती जारी नो पार्किङको  बिषयमा  हेटौँडाका  व्यवसायी र हेटौँडा उपमहानगरपालिका बिचको  विवादमा आपत्ती जनाएको हो । कांग्रेसका प्रवक्ता प्रदिप कोइरालाद्वारा हस्ताक्षेरीत  विज्ञप्तीमा हेउमनपाले भरपर्दो बैकल्पिक व्यवस्था नगरिक नो पार्किङको घोषणा गरेको र यसले  व्यवसायी एवं आमजनतामा अन्यौलता र असहजता भएको भन्दै  उपमहानगरपालिकाका  निर्णयप्रति आपत्ती जनाएको हो ।
विज्ञप्तीमा यथाशिघ्र हेटौंडा उपमहानगरपालिका र स्थानीय व्यवसायीबीच समझदारी निर्माण गरी समस्या समाधान गर्न अपिल गर्दै  ‘चाडबाडको मुखमा बजार बन्द हुँदा आमजनतामा  असहज अवस्था सृजना भएको जनाएको छ । 
कांग्रेसले विज्ञप्ती मार्फत  चाडो भन्दा चाडो समस्या समाधानको लागि यथाशीघ्र हेटौंडा उपमहानगरपालिका र स्थानीय व्यवसायीबीच समझदारी निर्माण गरी समस्या समाधान गर्न  हार्दिक अपिल गरेको छ । 
हेटौँडा उपमहानगरपालिकाले बजार क्षेत्रमा नो पार्किङ कायम गरेपछि  मउवासंघको नेतृत्वमा  केही दिन देखी हेटौँडा बजारका व्यवसायी  आन्दोलनमा  उर्तेका छन् । मउवासंघको नेतृत्वमा गएको टोलीले  हिजो बिहिबार नो पार्किङको  विरोधमा मेयर महत र प्रजिअ आस्मान तामाङलाई ज्ञापनपत्र बुझाएका थिए । टोलीले शुक्रबार उपमहानगरपालिकालको कार्यालयमा धर्ना दिएका थिए ।