नेपाली क्रिकेट टोलीः अभ्यासमा लगातार दोस्रो जित

९ भदौ, हेटौँडा । एसिया कप छनोटका लागि श्रीलंकामा अभ्यासमा रहेको नेपालले अभ्यास खेलमा लगातार दोस्रो जित निकालेको छ । नेपालले श्रीलंकाको स्थानिय क्लब ब्लुमफिल्डलाई १ सय ७६ रनले पराजित गर्दै अभ्यासमा लगातार दोस्रो जित निकालेको हो ।
नेपालले दिएको ३ सय २४ रनको लक्ष्य पछ्याएको ब्लुमफिल्डले ३८ औं ओभरम्म ब्याटिङ गरिरहँदा खराव प्रकाशले खेल सुचारु हुन नसकेपछि नेपालले डक वर्थ लुईस नियमको आधारमा जित निकालेको हो । 
ब्लुमका लागि सनोजले सर्वाधिक ३८ रन बनाउदा अन्य ब्याट्सम्यानले राम्रो प्रदर्शन गर्न सकेनन् । नेपालका सागर पुनले ३ विकेट लिए । ललित भन्डारीले दुई तथा पारस खड्का, ललित राजवंशी र बसन्त रेग्मीले समान १ विकेट लिए ।
यसअघि ब्लुमफिल्ड क्रिकेट मैदान टस जितेर पहिले ब्याटिङ गरेको नेपालले दीपेन्द्रसिंह ऐरी र सागर पुनको उच्च प्रदर्शनमा नेपाले ३ सय २३ रनको विशाल योगफल तयार पारेको थियो ।  
५० ओभरमा ८ विकेट गुमाउँदै ३ सय २३ रन जोड्न सफल रहयो । नेपाली टोलीका लागि दीपेन्द्रले सर्वाधिक १ सय २१ रन जोडे । उनले ९५ बल खेलेका थिए । सागर पुनले ८३ बल खेल्दै ९२ रन प्रहार गरे । एक समय ८४÷४ को स्थितिमा रहेको नेपाल सागर र दीपेन्द्रको उत्कृष्ट ब्याटिङ प्रदर्शनसँगै उकासिएको थियो । यी दुईले पाँचौ विकेटका लागि १ सय ८५ रनको साझेदारी गरेका थिए ।
नेपालका लागी ओपनरहरु अनिल साह १७ र सुवास खकुरेल ९, कप्तान पारस २३, रोहित ११, करण केसी २६ रन जोडे । नेपालले पछिल्लो खेलमा विश्राममा रहेका कप्तान पारस खड्का, सागर पुन र करण केसीलाई टोलीमा स्थान दिदै उपकप्तान ज्ञानेन्द्र मल्ल, विनोद भण्डारी र सोमपाल कामीलाई विश्राम दिएको थियो ।
नेपालले आइतबार कोल्र्टस् क्रिकेट क्लबसँग अन्तिम अभ्यास खेल खेल्नेछ । त्यसपछि नेपाली टोली एसिया कप छनोटको लागि २७ अगस्टमा मलेसिया प्रस्थान गर्नेछ ।