साफ च्याम्पियनसिपको लागि घोषित टोलिमा मकवानपुरका तीन खेलाडी समबेश

११ भदौ, हेटौंडा । अखिल नेपाल फुटबल संघ (एन्फा) ले बंगलादेशमा हुने साफ च्याम्पियनसिपको लागि छनौट गरेको २० सदस्यीय राष्ट्रिय टोलीमा मकवानपुरका तीन जना खेलाडी परेका छन । मकवानपुरका अन्जन बिष्ट (फर्वार्ड), सुनिल बल (मिडफिल्डर) र गोल रक्षक एलन न्यौपाने राष्ट्रिय टोलिमा परेका हुन ।  
एन्फाका कार्यवहाक मुख्य प्रशिक्षक बलागोपाल महर्जनले २९ सदस्यी टिमबाट २० सदस्यीय अन्तिम टोलीको घोषणा गरेका हुन् । 
साफ च्याम्पियनसिप बंगलादेशको ढाकामा भदौ १९ गते देखि सुरु हुँदैछ । जहाँ नेपालसहित दक्षिण एसियाका ७ राष्ट्रिय टोलीको सहभागिता रहनेछ ।

नियमित रुपमा राष्ट्रिय टोलीमा स्थान बनाउदै आएका फरवार्ड जर्जप्रिन्स कार्कीले स्थान बनाउन नसक्दा निराजन खड्काले लामो समयपछि राष्ट्रिय स्थान बनाएका छन् । 
यस्तै डिफेन्डर सुमन अर्याल र हेमन्त थापामगरले २० सदस्यीय टिममा स्थान बनाउन सफल भए ।
नेपाल रहेको समूह ‘ए’ मा आयोजक बंगलादेशसँगै पाकिस्तान र भुटान रहेका छन् । नेपालले पाकिस्तानसँग खेल्दै साफको शुरुवात गर्नेछ ।
नेपालर पाकिस्तानबीचको खेल १९ भदौमा बंगबन्धु स्टेडियममा हुनेछ । त्यसपछि नेपालले २१ भदौमा भुटानको तथा २३ भदौमा आयोजक बंगलादेशको सामना गर्नेछ । नेपाल साफ च्याम्पियनसिपको सेमिफाइनलभन्दा अघि बढ्न सकेको छैन । हरेक समूहका शीर्ष दुई टोलीले सेमिफाइनलमा स्थान बनाउनेछन् ।

नेपाली राष्ट्रिय टोलीमा पर्न सफल खेलाडीहरु:

गोलकिपर : किरण चेम्जोङ, विकेश कुथु, एलेन न्यौपाने

रक्षक : दीनेश राजवंशी, देवेन्द्र तामाङ, विराज महर्जन (कप्तान), अनन्त तामाङ, आदित्य चौधरी, रोहित चन्द, सुमन अर्याल

मिडफिल्ड : हेमन्त थापामगर, हेमन गुरुङ, विशाल रार्ई, सुनिल बल, सुजल श्रेष्ठ, निराजन खड्का

फरवार्ड : भरत खवास, विमल घर्तीमगर, नवयुग श्रेष्ठ, अन्जन विष्ट ।