नौलो विहानीमा पुनः चौलागाई

१५ असोज, हेटौँडा । हेटौँडा–६ चौघडामा रहेको नौलो विहानी कृषि सहकारी संस्था लिमिटेडको अध्यक्षमा पुनः राजेन्द्रप्रसाद चौलागाई चयन भएका छन् । शनिबार सम्पन्न संस्थाको छैठौं बार्षिक साधारण सभाले चौलागाईको नेतृत्वमा नयाँ संचालक समिति निर्विरोध चयन गरेको हो ।

समितिको उपाध्यक्षमा भरत सापकोटा, सचिव विष्णुप्रसाद ढुंगाना, कोषाध्यक्ष देवेन्द्र श्रेष्ठ र सदस्यहरुमा सरस्वति पुडासैनी, श्यामप्रसाद भट्टराई र रामहरी ओझा रहेका छन् । सभाले गोपालचन्द्र भट्टराई संयोजक, राजिव खनाल र रामकृष्ण दुलाल सदस्य रहेको लेखा सुपरिवेक्षण समिति समेत चयन गरेको छ ।

बंशगोपाल दुग्ध उत्पादक सहकारी संस्था लिमिटेडका अध्यक्ष साधुराम चौलागाईको प्रमुख अातिथ्तामा भएको कार्यक्रममा जिल्ला दुग्ध उत्पादक सहकारी संघका अध्यक्ष बासुदेव अधिकारी, कामधेनु सहकारीका अध्यक्ष गौरव पराजुली, चौघडा सहकारीका कोषाध्यक्ष त्रिविक्रम मानन्धर, जनकल्याण सहकारीका उपाध्यक्ष नारायण अधिकारी, रानी वनका सचिव नानीमैया रुम्बा लगायतले मन्तव्य व्यक्त गरेका थिए । कार्यक्रमा असल कारोबार सदस्यमा दिर्घमाया लामिछाने, एककुमारी चौलागाई र सोनी गुरुङलाई सम्मान गरिएको थियो ।

भेलाले अध्यक्ष राजेन्द्र चौलागाईले प्रस्तुत गरेको संस्थागत प्रतिवेदन, लेखा समिति संयोजक गोपालचन्द्र भट्टराईले प्रस्तुत गरेको लेखा प्रतिवेदन र ऋण समितिका संयोजक भरत सापकोटाले प्रस्तुत गरेको ऋण प्रतिवेदन पारित गरेको थियो । संस्थाले आव २०७२/०७३ मा २ करोड ३५ लाख कारोबार गरेको जनाईएको छ ।