राप्रपा मकवानपुरको संयुक्त बैठकले गर्यो यस्तो निर्णय

१८ भदौ, हेटौँडा । राष्ट्रिय प्रजातन्त्र पार्टी मकवानपुरको  जिल्ला, क्षेत्र र नगर कार्यसमितिको संयुक्त बैठक सोमबार सम्पन्न भएको छ । राप्रपा मकवानपुर अध्यक्ष एबं केन्द्रीय सदस्य मधु अधिकारीको अध्यक्षतामा र पूर्व केन्द्रिय सहायक महामन्त्री राजाराम वर्तौलाको उपस्थितिमा बैठक बसेको हो । 
बैठकबाट पार्टीलाई पुरानै अवस्थामा पुर्याउने अठोटसहित विभिन्न कार्यक्रम तय गरिएको छ ।  बैठकले सकृय सदस्यता बितरण अभियान, संगठन सुदृढीकरण, जनवर्गीय संगठनको परिचालन तथा भावि कार्ययोजनाका बिषयमा छलफल गरेको छ । पार्टीको केन्द्रीय निति अन्तर्गत केन्द्रिय सदस्यहरु अनिबार्य रुपमा १५ दिन जिल्ला बस्नुपर्ने ब्यबस्था अनुसार केन्द्रीय अध्यक्ष कमल थापा हेटौँडा आउने जनाईएको छ । केन्द्रीय अध्यक्ष थापाले सक्रिय सदस्यता बितरण अभियान शुभारम्भ गर्ने राप्रपा हेटौंडा नगर अध्यक्ष गुरु प्रसाद सापकोटाले जानकारी दिए ।
बैठकमा केन्द्रिय सदस्य राजाराम बर्तौला,उपाध्यक्ष शिबराम थापा,सचिब खिल प्रसाद चौलागाईं, क्षेत्रीय अध्यक्षद्वय गोबिन्द रिजाल, राजाराम अर्याल, नगर अध्यक्ष गुरु सापकोटा, सिताराम बर्तौला,अर्जुन गौतम, बद्री कुँवर, केशब आचार्य,  अमृता लामा, भबनाथ दुलाल, कृष्ण घिमिरे, कृष्ण बिडारी, नगर सचिव केदार चौलागाई लगायतले मन्तव्य व्यक्त गरेका थिए ।