सरकारले अपेक्षाकृत काम गर्न नसकेकै हो : प्रचण्ड

२० भदौ, हेटौँडा । नेपाल कम्युनिष्ट पार्टीका अध्यक्ष पुष्पकमल दाहाल ‘प्रचण्ड’ ले सरकार वनेको ६ महिनामा अपेक्षाकृत काम गर्न नसकेको स्विकारेका छन् । उनले पूर्वप्र्रधानमन्त्री समेत रहेका उनले अबको ६ महिनामा आशा जगाउने ढंगले काम गर्ने दावि समेत गरे ।

मकवानपुरको मनहरी–९ रजैयामा अग्निहोत्राश्रम बोर्षिकोत्सव उद्घाटन कार्यक्रममा बोल्दै प्रचण्डले दुईतिहाई बहुमतको सरकारबाट जनताले धेरै अपेक्षा गरेपनि पुरा गर्ने नसकिएको बताए । उनले अब त्यो अपेक्षा पुरा गर्ने ढंगले काम अघि बढाउने उनको भनाई थियो । उनले वर्तमान सरकारको कामबारे गम्भिर समिक्षा भईरहेको बताए ।

उनले जनतामा वर्तमान सरकारप्रति नकारात्मक धारणा रहेको स्विकार्दै प्रधानमन्त्री केपि शर्मा ओली र आफु सरकारको कामबारे गम्भिर समिक्षा गरिरहेको बताए । कार्यक्रममा प्र्रदेश नम्बर ३ का मूख्यमन्त्री डोरमणी पौडेलले जनताको भावना सम्बोधन गर्ने ढंगले विकासको काम अघि बढाउन प्रदेश सरकार प्रतिवद्ध रहेको बताए । आश्रमका संरक्षक सिताराम खनालको सभाध्यक्षतामा भएको कार्यक्रममा प्रतिनिधिसभा सदस्य विरोध खतिवडा, नेपाली कांग्रेस ३ नम्बर प्रदेश संसदीय दलका नेता ईन्द्रबहादुर बानियाँ, नेता माइकल रामचन्द्र्र अर्याल, गाउँपालिका प्रमुख एकराज उप्रेति, कार्यक्रम संयोजक अजेयराज सुमार्गी लगायतले मन्तव्य व्यक्त गरेका थिए ।

कार्यक्रममा प्रचण्डले विविध वनस्पति उद्यान र चाणक्य सदनको उद्घाटन गरेका थिए भने वैद्धिक होम समेत गरेका थिए ।