सहकर्मीको अध्यक्षमा पुनः मदन दाहाल

२३ भदौं, हेटौँडा । हेटौँडा–१६ चिसापानीमा रहेको सहकर्मी बचत तथा ऋण सहकारी संस्थाको अध्यक्षमा पुनः मदनकुमार दाहाल चयन भएका छन् । संस्थाको १३ औं बार्षिक साधारणसभाबाट दाहालको अध्यक्षतामा नयाँ संचालक समिति चयन गरेको हो ।

संस्थाको उपाध्यक्षमा शोभा पाठक, सचिवमा विष्णुमान श्रेष्ठ, कोषाध्यक्षमा विजय नेपाल चयन भएका छन् । यसैगरी, सदस्यमा श्रीराम दाहाल, सानुमैया बास्तोला, ललिता दाहाल, निर्मला भोलन र प्रकाश दाहाल चयन भएका छन् । लेखा सुपरिवेक्षण समितिको संयोजकमा यदुदेव उपाध्याय सिग्देल, सदस्यमा शिवप्रसाद चौलागाई र शोभा खतिवडा चयन भएका छन् । भेलामा नियमित बचत गर्ने विकास राई र शान्ति भट्टराई, उत्कृष्ट कारोबारीमा सानुकान्छा रुम्बा र ललिता सापकोटा, ज्येष्ठ शेयर सदस्य हुत्ताराम बास्तोला र शिवकुमारी चौलागाईलाई सम्मान गरिएको थियो । यसैगरी, २०७४ सालको एसईई परीक्षामा उत्कृष्ट अंक हासिल गर्ने रोजिता बन्जारा, मोक्षदा दाहाल र रन्जिता घोरासैनीलाई समेत सम्मान गरिएको थियो ।

भेलामा संस्थाका अध्यक्ष मदन दाहालले संस्थागत प्रतिवेदन, लेखा सुपरिवेक्षण समितिका संयोजक यदुदेव उपाध्याय सिग्देलले लेखा परिक्षण प्रतिवेदन, सचिव विष्णुमान श्रेष्ठले प्रगति प्रतिवेदन र कोषाध्यक्ष विजय नेपालले आर्थिक प्रतिवेदन प्रस्तुत गरेका थिए । हेटौँडा उपमहानगरपालिकाका उपप्रमुख मिनाको प्रमुख आतिथ्यतामा भएको कार्यक्रममा हेटौँडा वडा नम्बर १६ का वडा अध्यक्ष रामकृष्ण कोइराला, जिल्ला वचत तथा ऋण सहकारी संघकी सचिव मिना चौरेल, मकवानपुर जिल्ला सहकारी संघका सहसचिव कृष्णबहादुर राई, चेतनशिल दुग्ध उत्पादक सहकारीका अध्यक्ष कृष्णप्रसाद घिमिरे, चिसापानी वचत तथा ऋण सहकारीका अध्यक्ष कृष्णप्रसाद सापकोटा लगायतले मन्तव्य व्यक्त गरेका थिए ।