बंशगोपालको रजत महोत्सव सम्पन्न

१६ असोज, हेटौंडा । हेटौंडा-६ मा रहेको बंशगोपाल दुग्ध उत्पादक सहकारी संस्थाको रजत महोत्सव अाईतबार सम्पन्न भएको छ । केन्द्रीय दुग्ध उत्पादक सहकारी संघका अध्यक्ष नारायणप्रसाद देवकोटाको प्रमुख अातिथ्यतामा कार्यक्रम भएको हो ।

कार्यक्रममा पूर्व अध्यक्षहरू हरिप्रसाद सिग्देल, बासुदेव अधिकारी, केशवप्रसाद सञ्जेल र बासुदेव सापकोटा, पूर्व जिल्ला संघ प्रतिनिधि बालकृष्ण चौलागाईं, पत्रकार भीमसेन पौडेल, रूपेश दुलाल, संस्थापक सदस्यहरू,  पूर्व हितकोष समिति, पूर्व कर्मचारी, पूर्व लेखा समितिलाई सम्मान गरिएको थियो ।

यसैगरी, धेरै दूध विक्री गर्ने बोजराज बजगाई, गुणस्तरीय दूघ विक्री गर्ने बुद्धिकृष्ण तिमल्सिना, गोठ सफा गर्ने योगमाया तिमल्सिना, भाँडा सफा राख्ने चोपनाथ भट्टराई, असल करोबारी जयराम घिमिरे र संस्थालाई भौतिक सहयोग गर्ने जिल्ला विकास समिति, पशु सेवा कार्यालय र रानी सामुदायिक वनलाई सम्मान गरिएको थियो ।

भेलामा अध्यक्ष साधुराम चौलागाईंको संस्थागत प्रतिवेदन, लेखा समिति संयोजक केशवप्रसाद अधिकारीको लेखा परिक्षण प्रतिवेदन कृषक हितकोषका संयोजक खडानन्द चौलागाईंको हितकोष प्रतिवेदन भेलाले पारित गरेको थियो । भेलामा जिल्ला दुग्ध सहकारी संघका अध्यक्ष बासुदेव अधिकारी, पूर्व केन्द्रीय सदस्य बालकृष्ण चौलागाईं, संस्थापक अध्यक्ष हरिप्रसाद सिग्देल, पूर्व अध्यक्ष केशवप्रसाद सञ्जेल, बासुदेव सापकोटा, बंशगोपाल उमाविका प्राचार्य रमेशप्रसाद लामिछाने, रानी सामुदायिक वनका अध्यक्ष विष्णुप्रसाद न्यौपाने लगायतले मन्तव्य व्यक्त गरेका थिए ।