सुन्दर र शिखरपानीको साधारणसभा सम्पन्न

३० भदौ, हेटौँडा । हेटौडा १ र २ मा सुन्दर सामुदायिक वन उपभोक्ता समूहको २३ औं वार्षिक साधारणसभा शनिवार सम्पन्न भएको छ । 
साधारणसभामा समूहका अध्यक्ष कमल लामाले संस्थागत प्रतिवेदन, सचिव निलम देवकोटाले प्रगति प्रतिवेदन र कोषाध्यक्ष आनन्दराम ढकालले लेखा परीक्षण प्रतिवेदन र चालु आव ०७५/०७६ को लागि २१ लाख ९ हजारको अनुमानित आयव्यय विवरण प्रस्तुत गरेका थिए । साधारणसभामा समूहले गरेका विभिन्न गतिविधिहरुको प्रचारप्रसार गरेवापत संचारकर्मी भीमसेन पौडेल,वन प्राविधिक नवराज पुडासैनी,समूहको भवन निर्माणमा जिन्सी सहयोग गर्ने राज मैनाली,उत्कृष्ठ सरसफाईमा एकता टोल विकास, ज्येष्ठ उपभोक्तामा यदुनाथ मिमल्सिना र भीमकुमारी सञ्जेललाई सम्मानित गरिएको थियो । 
हेटौडा उपमहानगरपालिका १ का वडा अध्यक्ष सविन न्यौपानेको प्रमुख आतिथ्यता एवम समूहका अध्यक्ष कमल लामाको अध्यक्षतामा साधारणसभा भएको थियो । भेलामा सामुदायिक वन उपभोक्ता महासंघ, मकवानपुरका जिल्ला कोषाध्यक्ष बलराम अधिकारी, स्थानीय महासंघका उत्तम पौडेल, हेटौडा ईलाका वन कार्यालयकी राधिका सिलवाल, समूहका पूर्वअध्यक्ष बुद्धिप्रसाद पौडेल, केदारप्रसाद बर्तौला, सहयात्री टोल विकास संस्थाकी रुपा ढुङगाना,उपभोक्ता विष्णुलाल श्रेष्ठ लगायतकाले मन्तव्य व्यक्त गरेका थिए ।
यता, हेटौडा–१५ मा रहेको शिखरपानी सामुदायिक वन उपभोक्ता समूहको २३ औं वार्षिक साधारणसभा सम्पन्न भएको छ । साधारणसभामा समूहकी सचिव हिरामाया पाख्रिनले प्रगति प्रतिवेदन र कोषाध्यक्ष असलीमाया डिमडुङले लेखा परीक्षण प्रतिवेदन र चालु आव ०७५/०७६ को लागि ११ लाख १४ हजारको अनुमानित आयव्यय विवरण प्रस्तुत गरेकी थिईन् । 
साधारणसभामा समूहले गरेका गतिविधिहरुको प्रचारप्रसार गराई समूहको गरिमा उच्च राख्न सहयोग गरेकोमा संचारकर्मी भीमसेन पौडेललाई नगद पुरस्कार सहित सम्मानित गरिएको थियो । हेटौडा उपमहानगरपालिका १५ का वडा अध्यक्ष महारत्न लामाको प्रमुख आतिथ्यता एवम समूहका अध्यक्ष चन्द्रबहादुर पाख्रिनको अध्यक्षतामा साधारणसभा भएको हो । 
साधारणसभामा सामुदायिक वन उपभोक्ता महासंघ,मकवानपुरका अध्यक्ष साधुराम चौलागाई, हेटौडा ईलाका वन कार्यालयकी सहायक वन अधिकृत राधिका शर्मा, हर्नामाडी ईलाका वन कार्यालयका सहायक वन अधिकृत शालिकराम भट्टराई, हेटौडा ईलाका वा कार्यालयका फरेष्टर यदुकुमार घिमिरे, सामुदायिक वन उपभोक्ता महासंघ, हेटौडा रेन्जपोष्टका अध्यक्ष शम्भुप्रसाद न्यौपाने, जरुङशक्ती सामुदायिक वनका अध्यक्ष कुमारसिह खडका, चित्रेपानी सामुदायिक वनका लेखा संयोजक भानुप्रताप विडारी लगायतकाले मन्तव्य व्यक्त गरेका थिए ।