बस्तीपुर जेसीज हाँडीखोलाको रक्तदान

 २असोज,हेटौडा ।बस्तीपुर जेसीज हाँडीखोलाको जेसीज सप्ताह अन्तर्गत बुधबार रक्तदान र कानुनी सचेतना कार्यक्रम भएको छ ।

बिहान मनहरी गाउँपालिका–९ रजैयामा भएको कार्यक्रममा ५५ जनाले रक्तदान गरेका छन् । रजैयामा पहिलो पटक रक्तदान कार्यक्रम भएको हो । कार्यक्रम संयोजक शिवराज उप्रेतीको संयोजकत्व एवम् बस्तीपुर जेसीजका अध्यक्ष राममणि बर्तौलाको अध्यक्षतामा भएको कार्यक्रममा नेपाल रेडक्रस सोसाइटी मकवानपुरका कार्य समिति सदस्य राजु घलेको प्रमुख आतिथ्यता रहेको थियो । प्रमुख अतिथि घलेले जेसीज लगायतको सामाजिक संस्थाले आयोजना गर्ने रक्तदान कार्यक्रमले मकवानपुरमा रगत संकलनमा ठूला टेवा पुगिरहेको जानकारी दिए । सामाजिक संस्था संग रेडक्रस सहकार्य गर्न तयार रहेको उनले बताए । स्थानीय समाजसेवी नवराज उप्रेती र रामप्रसाद कालाखेतीले शुभकामना मन्तव्य व्यक्त गरेको कार्यक्रममा कार्यक्रममा बस्तीपुर जेसीजका पूर्व अध्यक्ष बसन्तकुमार सिटौला, रेडक्रस सेसाइटी बसामाडी उपशाखा सभापति राजकुमार भेटवाल, नेपाल पत्रकार महासंघ मकवानपुर सचिव गणेशदर्पण अधिकारीलगायतको आतिथ्यता रहेको थियो । कार्यक्रममा जेसीज सप्ताहमा आयोजना गरिएको कार्यक्रमको बिषयमा जानकारी गराउँदै कार्यकारिणि उपाध्यक्ष एवम् मूल कार्यक्रम संयोजक ज्योतिराज लुइँटेलले स्वागत गरेका थिए ।