पारिवारिक नीजि वनको अध्यक्षमा लामिछाने

३ असोज, हेटौँडा । पारिवारिक नीजि वन संघ, नेपाल मकवानपुरको अध्यक्षमा मनहरीका विष्णुप्रसाद लामिछाने सर्वसम्मत अध्यक्ष पदमा चयन भएका छन् । 
संघको बुधवार हेटौडामा भएको प्रथम जिल्ला अधिवेशनले लामिछानेको अध्यक्षतामा ९ सदस्यीय जिल्ला कार्यसमिति सर्वसम्मत चयन गरेको हो । समितिको उपाध्यक्षमा माया लामा, सचिवमा निर्मलकुमार पौडेल र कोषाध्यक्षमा गीता न्यौपाने चयन भएका छन् । यसैगरी सदस्यहरुमा कंचन घिमिरे, अमित ढुङगाना, कौशिलया धमला,राम मिजार र कमल लामा भयन भएका छन । कार्यक्रम पारिवारिक निजी वन संघ, नेपालका केन्द्रीय अध्यक्ष जोगराज गिरीको प्रमुख आतिथ्यता एवम मकवानपुर शाखाकी अध्यक्ष आरती पाठकको सभाध्यक्षतामा भएको थियो ।
कार्यक्रममा डिभिजन वन कार्यालय,मकवानपुरका प्रमुख प्रल्हाद धिताल,सामुदायिक वन उपभोक्ता महासंघ मकवानपुरका अध्यक्ष साधुराम चौलागाई,गैर सरकारी संस्था महासंघ प्रदेश ३ का अध्यक्ष बुद्धशरण लामा, सामुदायिक वन उपभोक्ता महासंघ,प्रदेश ३ का सदस्य रामहरी चौलागाई, सामुदायिक वन उपभोक्ता महासंघ, हेटोडा नगरका अध्यक्ष शम्भुप्रसाद न्यौपाने, जिल्ला कोषाध्यक्ष बलराम अधिकारी लगायतकाले मन्तव्य व्यक्त गरेका थिए । 
जिल्ला संघको निर्वाचन कानून व्यवसायी मदनकुमार दाहाल संयोजक सीता विष्ट र भीमसेन पौडेल सदस्य रहेको ३ सदस्यीय निर्वाचन समितिले गरेको थियो ।