गाँजा खेती निरुत्साहित गर्न बकैयाको अभियान

९ असोज, हेटौँडा । बकैया गाउँपालिकाको ज्यामिरेस्थित मोरङधापमा गाँजा खेती नगर्न स्थानीयलाइ आग्रह गरिएको छ । बकैया गाउँपालिका वडा ६ का वडा अध्यक्ष फुलबहादुर भोम्जनको अगुवाइमा बकैयाको ज्यामिरे पुगेर स्थानीयलाई गाँजा खेती नगर्न आग्रह गरिएको हो ।

भोम्जनले गाउँपालिकाले गाँजा खेती निर्मुल पार्न विशेष अभियान शुरु गरेको बताए । मोरङधापमा जनचेतानाका लागि पोष्टर, पम्प्लेट टाँस्ने, स्थानीयलाई घरमै पुगेर अवगत गराउने जस्ता काम भईरहेको वडा अध्यक्ष भोम्जनले बताए । ज्यामिरेमा गाँजा खेती र ओसारपसार गरेको आरोपमा १६ देखि ८५ बर्षका २० जना भन्दा पक्राउ परेको उनले जानकारी दिए । तस्करहरुले गाउँका सोझा किसानलाई आर्थिक प्रलोभनमा पारी गाँजा खेति गराउने गरेको बताउँदै भोम्जनले यसको अन्त्यका लागि गाउँपालिका र वडा कार्यालयले प्रयास थालेको बताए ।

तर स्थानीय भने सडक अभावमा जीवनकोपार्जनका लागि गाँजाखेति गर्नुपरेको बताए । स्थानीय इन्द्रबहादुर पाख्रीनले सडक पूर्वाधारको अभाव र ज्ञानको कमीले गाँजा खेती भईरहेको बताए । गाँजा खेती गदा घरमै व्यापारी पुग्ने तर सडक नहुँदा फलफुल, तरकारी कुहिएर खेर जाने भन्दै स्थानीयले सडकको पुगे गाँजाखेति निरुत्साहित हुने बताए ।