सामाजिक विकास मन्त्रालयद्वारा प्रगति सार्वजनिक

१० असोज, हेटौँडा । प्रदेश नम्बर ३ को सामाजिक विकास मन्त्रालयले आप्mनो द्वैमासिक कार्य प्रगति सार्वजनिक गरेको छ । मन्त्रालयले बुधबार पत्रकार सम्मेलन गरी चालु आर्थिक बर्ष ०७५/०७६ को भदौंसम्म सम्पादन गरेका कामहरु सार्वजनिक गरेको हो ।
मन्त्रालयले साउन र भदौं सम्ममा ७ वटा काम गरेको मन्त्रालयका सचिव दिर्घनारायण पौडेलले बताए । उनका अनुसार जिल्ला स्वास्थ्य प्रमुख, अस्पताल प्रमुखसंग महामारी नियन्त्रण र रोकथाम सम्बन्धी बैठक बसेको, स्वास्थ्य सेवा विधेयक तयारी गरी प्रदेशसभाबाट पारित भएको, स्वास्थ्य निर्देशनालयको स्थापना भई संचालन भएको, मदनकुमार भण्डारी स्वास्थ्य विज्ञान प्रतिष्ठान विधेयकको अवधारणा पत्र तयार गरी स्विकृतिका लागि मन्त्रीपरिषदमा पठाएको जनाईएको छ । 
त्यस्तै, विभिन्न स्वास्थ्य संस्थाहरुको २४ स्थानमा अनुगमन गरेको र विद्यालय नर्स कार्यक्रम सञ्चालन कार्यविधिको मस्यौदा स्विकृति गरेको सचिव पौडेलले बताए । कार्यक्रममा बोल्दै सामाजिक विकास मन्त्री युवराज दुलालले छोटो अवधीमा मन्त्रालयले आफ्नो लक्ष्य अनुसारको काम गरेको बताए । उनले आगामी दिनमा प्रत्येक दुई महिनामा पत्रकार सम्मेलन गरी मन्त्रालयका गतिविधिहरु सार्वजनिक गर्ने बताए ।