रोटर्याक्टको चियापान

१८ असोज, हेटौँडा । रोटर्याक्ट क्लव अफ मकवानपुरले विजयादशमी, शुभदिपावली, नेपाल सम्बत र छठको अवसरमा शुभकामना आदानप्रदान तथा चियापन कार्यक्रम गरेको छ ।

रोटरी क्लव अफ मकवानपुरका संस्थापक अध्यक्ष ज्ञानकृष्ण प्रजापतीको प्रमुख आतिथ्यतामा कार्यक्रम भएको हो । कार्यक्रमका प्रजापतीले रोटर्याक्ट रोटरीको सहयोगी मात्र नभई साथी भएको बताउँदै यसले गर्ने हरेक गतिविधिमा सहयोग गर्ने बताए । ‘पछिल्लो समय रोटर्याक्ट क्लव अफ मकवानपुरले सामाजिक गतिविधीलाई तीव्रता दिंदै गएको छ, यो निकै खुसीको कुरा हो’–उनले भने–‘यसलाई निरन्तरता दिंदै जाने क्रममा रोटरी क्लवसंग थप सहकार्य र समन्वय गर्दै अघि बढ्न अनुरोध गर्न चाहन्छु ।’

रोटर्याक्ट क्लव अफ मकवानपुरका अध्यक्ष गणेशदर्पण अधिकारीले युवाहरुको नेतृत्व विकास गराउँदै सामाजिक कार्यमा लाग्नको निम्ति हौसला प्रदान गर्दै रोटर्याक्ट गतिविधीलाई अघि बढाइने बताए । कार्यक्रममा रोटरी क्लव अफ मकवानपुरका सचिव कविन साङ्गामी, सहसचिव रबि कँडेल शर्मा, रोटर्याक्ट कोर्डिनेटर बिष्णु खनाल, खेलकुद संयोजक शरद कर्माचार्य, सदस्य प्रताप बिष्ट, नेपाल पत्रकार महासंघ मकवानपुर सचिव कृष्ण सारु मगरलगायतको आतिथ्यता रहेको थियो । रोटर्याक्ट क्लवले यसबर्ष रक्तदान, प्राथमिक उपचारसम्बन्धी अभिमुखीकरण कार्यक्रम, विद्यार्थीलाई स्टेशनरी सामान वितरण लगायतका सामाजिक गतिविधिका साथै नेतृत्व विकासका काम गरेको सचिव सुदिप शिवाकोटीले बताए ।