क्रियाशिल पत्रकार महिलाको शुभकामना

२५ असोज,हेटौडा । क्रियाशिल पत्रकार महिला मकवानपुरले दशै, तिहार, नेपाल संवत र छठ पर्वको अवसरमा शुभकामना आदनप्रदान एवम चियापान कार्यक्रमको आयोजना गरेको छ ।

नेपाल पत्रकार महासंघ ३ नम्बर प्रदेश सदस्य नानीमैया विष्टको प्रमुख आतित्थ्यतामा कार्यक्रम भएको हो । कार्यक्रममा बोल्दै प्रदेश सदस्य विष्टले दशै तिहार जस्ता पर्वले महिला पत्रकारहरुलाई थप क्रियाशिल हुने मद्दत मिल्ने विश्वस व्यक्त गरिन । विष्टले चाडपर्वको समय महिला पत्रकारहरुका लागी थप जिम्मेवारी लिएर आउँने भएकाले आफनो जिम्मेवारी पुरा गर्न थप प्रेरित गर्ने बताइन । चाडपर्वका बेला पत्रकारीतासँगै घरयासी कामको समेत बोझ बढने भएकाले महिला पत्रकारहरुमा तनाव बढ्ने बताउँदै प्रदशे सदस्य विष्टले यस्तो कठिन घढीमा महिला पत्रकारहरुले कार्यकुशलता देखिने बताइन । कार्यक्रममा नेपाल पत्रकार महासंघ मकवानपुरका उपाध्यक्ष कुमार अधिकारी (पोष्टराज)ले विभिन्न कठिनाईका वावजुद पहिला पत्रकारहरुको प्रयास र क्रियाशीलता स्वागतयोग्य रहेको बताए । उनले समस्यालाई पन्छाउँदै अवसरको उपयोग गर्न पनि महिला पत्रकारहरुलाई सुझाव समेत दिए ।

क्रियाशील पत्रकार महिला मकवानपुरकी अध्यक्ष रेश्मी कार्कीको अध्यक्षतामा  भएको कार्यक्रममा जिल्लामा रहेका विभिन्न सञ्चारगृहमा आवद्ध पत्रकारहरुको सहभागिता रहेको थियो ।