बास्तोला र वाईबाको निधनले काँग्रेस तथा तरुण दलको चियापान स्थगन

 २८ असोज, हेटौँडा । शनिबार राति निधन भएका नेपाली कांग्रेसका नेता चक्रप्रसाद बास्तोला र तरुण दल हेटौडा १२ का सचिव उमेश वाईबाको निधनको शोकमा नेपाली काङ्ग्रेस मकवानपुरले आइतबार गर्ने भनेको  चियापान स्थगन  गरी  शोक सभा  गरेको छ ।  

पुर्व  परराष्ट्रमन्त्री समेत रहेका  बास्तोला र तरुण दल  हेटौँडा  १२ नम्बर वडा समितिका सचिव वाईबाको निधनमा शोक ब्यक्त गर्दै शोक सभा आयोजना गरेको नेपाली काँग्रेस मकवानपुरले जनाएको छ । 

 हेटौँडा २ मा रहेको पार्टी कार्यालयमा आयोजना गरिएको  शोक सभामा काग्रेस केन्द्रिय सदस्य महालक्ष्मी डिना उपाध्यायले बास्तोलाको निधनले काग्रेसले अभिभावक गुमाएको बताईन, त्यसैगरी काँग्रेस मकवानपुरका सभापती एबं ३ नम्बर प्रदेश संसदीय दलका नेता  ईन्द्र बानियाले  बास्तोलाको त्याग र लोकतन्त्र स्थापित गर्न खेलेको भुमिकाको चर्चा गरेका थिए ।  शोक सभामा  काग्रेस मकवानपुरका नेता कार्यकर्ता,  विभिन्न भातृसंस्थाका  पदाधिकारी लगायतको उपस्थिती रहेको थियो ।

त्यसैगरी  केहि दिन अघि सवारी दुर्घटनमा परी निधन भएका तरुण दल  हेटौँडा  १२ नम्बर वडा समितिका सचिव  उमेश वाईबाको निधनको शोकमा  तरुण दल  मकवानपुरले   विजया दशमी तथा दिपावलीको अवसरमा आइतबार गर्ने  भनेको  चियापान कार्यक्रम समेत स्थगित गरेको छ ।

तरुण सचिव  वाईबाको तथा कांग्रेसका नेता बास्तोलाको   निधन र यो  शोकको घडीमा  चियापान र सुभकामना आदन प्रदान कार्यक्रम स्थगन  गरेको  तरुण नेता राजेश भेटवालले बताए ।