लामिटार कपको उपाधि भिडन्त मंगलबार 

खेलको म्यान अफ द म्याचको ट्रफी प्रदान गरिदै

 २८ असोज, हेटौँडा । मकवानपुरको मनहरी गाउपालिका ३ हाडीखोलामा सन्चालन भइरहेको प्रथम लामिटार कप फुटबल प्रतियोगिताको उपाधिको लागि आयोजक लामिटार यूथ क्लव र सयपत्री युवा क्लव सुनाचुरी भिड्ने भएका छन  ।

आइतबार भएको दोस्रो सेमिफाइनल भिडन्तमा शक्ति युवा क्लव मनहरीलाई  ३ का विरुद्ध १ गोल अन्तरले पराजित  गर्दै सुनाचुरी फाइनलमा प्रवेश गरेको  हो  । शनिबार भएको खेलबाट आयोजक लामिटार यूथ क्लवको टिम मसिनेको जनजागरण क्लवलाई हराउदै फाइनल प्रवेश गरिसकेको छ । फाइनलमा प्रवेश गरेसंगै सुनाचुरीले  आयोजक लामिटार यूथ क्लव संग सामना  गर्ने छ । 
शक्ति युवा क्लवले सुरुवाति अग्रता जोगाउन नसक्दा हार ब्यहोर्न बाध्य भयो ।
खेलको १२ औं मिनेटमा गोल गर्दै शक्तिका दीपक मोक्तानले टिमलाई अग्रता दिलाएका थिए भने त्यसको ६ मिनेट मै १८ सुनाचुरीका बिबेकश्रेष्ठले सेन्टरबाट प्रहार गरेको फ्रीकिक गोलमा परिणत भएपछि खेल बराबरीमा र्फकेको थियो। दोस्रो हाफको १३ औं मिनेटमा सुनाचुरीका क्याप्टेन सितल बिकले गोल गर्दै अग्रता दिलाए । क्याप्टेन बिकले नै दोस्रो हाफकै  १८ औं मिनेटमा हेडमार्फत गोल गर्दै ३ का विरुद्ध १ को अग्रता दिलाए  । खेलको म्यान अफ द म्याच सुनाचुरीका क्याप्टेन सितल बिक नै घोषित भए ।

 म्यान अफ द म्याचको  घोषित भएपछि  खेलकुद समन्वय समिति हेटौंडा १९ का अध्यक्ष राजु घलेले नै म्यान अफ द म्याचको ट्रफी प्रदान गरेका छन  ।  प्रथम लामिटार कप फुटबलको फाइनल खेल  मङ्गलबार फुलपातिको दिन दिउँसो २ बजे हुने आयोजकले जानकारी दिएको छ ।
 प्रतियोगितामा मनहरी गाउँपालिकाको २१ वटा क्लवको सहभागिता रहेको छ  ।  प्रतियोगिताको बिजेताले नगद ५० हजार र उपबिजेताले नगद २५ हजारसहित ट्रफी, मेडल र प्रमाणपत्र प्राप्त गर्नेछ ।