नेपाली कांग्रेसमा पदाधिकारी संख्या बढ्ने

२९ असोज, काठमाडौं । नेपाली कांग्रेसमा पदाधिकारीको संख्या बढ्ने भएको छ । कायम ६ सदस्यीय संख्या बढाएर १० सदस्यीय बनाउने गरि विधानको मस्यौदामा छलफल भईरहेको केन्द्रीय सदस्य एवं विधान मस्यौदा समिति सदस्य प्रदिप पौडेलले जानकारी दिए ।

इकान्तिपुरमा प्रकाशित समाचार अनुसार पार्टीमा सभापतिका साथै दुई उपसभापति, २ महामन्त्री, ४ सहमहमन्त्री र १ कोषाध्यक्ष रहनेगरि १० सदस्यीय पदाधिकारी रहनेगरी छलफल भईरहेको नेता पौडेलको भनाई छ । यद्यपी सवै मनोनित गर्ने अवस्थामा भने सो संख्या नबढाईने नेताहरुले बताएका छन् । पार्टीको १४ औं महाधिवेशमा पदीय व्यवस्थापन  गर्न कांग्रेसले पदाधिकारीको संख्या थप्न लागेको हो । पदाधिकारीको संख्या वढाउने विषयमा करिव करिव सहमतिमा पुगिएको पौडेलले बताए ।  कांग्रेसमा प्रदेश प्रतिनिधित्व हुनेगरि ७ सहमहामन्त्रीको अवधारणामा समेत छलफल उठेको छ । सो विषयले मुर्तरुप भने पाइसकेको छैन ।

सभापतिलाई अधिकार सम्पन्न बनाउनुपर्ने संस्थापन पक्ष  र सामुहिक नेतृत्व प्रणालीको अभ्यास गर्नुपर्ने संस्थापन इतर पक्षको छुट्टाछुट्टै दवावको विकल्पमा पदाधिकारीको संख्या बढाउने गरि छलफल अघी बढेको छ ।  असोज २९ गतेसम्ममा विधान मस्यौदामा प्रारम्भिक सहमति जुटाउन मस्यौदा समिति असफल भएको छ । 

नेता चक्रप्रसाद बाँस्तोकाको निधनका लागि पार्टीका सम्पूर्ण कार्यक्रम नै केही दिनका लागि स्थगित भएपछि दशैं पछि मात्र मस्यौदामा सहमति खोजिने नेताहरुले बताएका छन् । सभापतिको अधिकारसंगै पदाधिकारीको संख्या र अन्य संरचनागत विषयमा समितिमा सहमति जुट्न बाँकी छ ।