२ नम्बर प्रदेश सरकारले प्रहरी भर्ना गर्न लागेको मलाई जानकारी छैनः मन्त्री पण्डित

२९ असोज, हेटौँडा । संघीय मामिला तथा सामान्य प्रशासनमन्त्री लालबाबु पण्डितले प्रदेश नं. २ को प्रदेश सभाले प्रदेश प्रहरी सम्बन्धी विधेयक पारित गरेर प्रदेश प्रहरी भर्ना गर्न लागेकोबारे आफूलाई पूर्ण रुपमा जानकारी नभएको बताएका छन् ।
सोमबार रिपोर्टर्स क्लब नेपालले आयोजना गरेको साक्षात्कारमा बोल्दै मन्त्री पण्डितले यस्तो बताएका हुन् । उनले यदि निर्णय भएको खारेज गर्ने चेतावनी समे दिएका छन् ।
साक्षात्कारमा बोल्दै उनले २ नम्बर प्रदेश सरकारले प्रहरी भर्ना गर्ने तयारी गरेको बारे आफुलाई थाहा नभएको बताउँदै प्रदेशलाई अधिकार नै नभएको विषयमा कुनै निर्णय भए त्यो निर्णय कार्यान्वयन हुनै नस्कने दावी गरे । 
मन्त्री पण्डितले मुलुक संघीय प्रणालीमा अघि बढिसकेको बताउँदै अब राजनीतिक व्यवस्थापनको काम समेत सकिएको जिकिर गर्दै अब मुलुकले गति लिएको दाबी गरे । अब नेपालले छिट्टै जनताको चाहना र भावना अनुसारको सुशासन हाँसिल गर्ने पनि उनको विश्वास छ । 
कुनैपनि देशको संघीय प्रणाली अर्थात केन्द्रिकृत प्रणालीबाट संघीय प्रणालीमा जाँदा केही जटिलता तथा समस्याहरु उत्पन्न हुनु र व्यवस्थापनमा केही समय लाग्नु स्वभाविक भएको उल्लेख गर्दै मन्त्री पण्डितले सरकर परिणाममुखी कामका लागी गतिशिल रहेको बताए ।