रिलायबल ल्याङ्वेज सेन्टर अब स्कुल रोडमा

१२ कात्तिक, हेटौंडा ।  हेटौंडाको पहिलो कोरियन भाषा प्रशिक्षण केन्द्र रिलायबल ल्याङ्वेज सेन्टरले नयाँ भाषा पशिक्षण केन्द्रको सुरुवात गरेको छ । सेन्टरले  सोमबार हेटौंडा–४ स्थित ग्रिन हाउसबाट  कक्षा सञ्चालनमा ल्याएको हो ।

हेटौंडा उपमहानगरपालिकाका ४ नम्बर वडा अध्यक्ष नविन सिग्देलले रिबन काटेर भाषा प्रशिक्षण केन्द्रको उद्घाटन गरेका हुन् । कोरियन भाषा प्रशिक्षण कक्षा उद्घाटन गरेपछि बोल्दै कार्यक्रमका प्रमुख अतिथिसमेत रहेका सिग्देलले वैदेशिक रोजगारमा गएका युवाहरुले पठाएकै रेमिट्यान्सले देश चलेको भन्दै युवाहरुको योगदानको कदर गर्दै  धेरैलाई वैदेशिक रोजगारीमा पठाउन सफल भएको भन्दै उनले रिलायबल ल्याङ्वेज सेन्टरको प्रशंसा गरे । 
कार्यक्रममा ल्याङ्वेज सेन्टरका सञ्चालक तथा प्रमुख प्रशिक्षक किशोर डंगोलले सन् २००७ मा स्थापना भएको भाषा प्रशक्षिण केन्द्रले हालसम्म २ हजार १ सय जनाभन्दा बढी विद्यार्थीलाई कोरियन भाषा अध्यापन गराएको जानकारी दिए । हालसम्म आफ्नो भाषा प्रशशिक्षण केन्द्रमा अध्ययन गरेका ६ सय जनाभन्दा बढी कोरिया गइसकेको उनले बताए । आफूले अध्यापन गराएका विद्यार्थीहरु कोरियाबाट फर्किएर हेटौंडामा अन्य भाषा प्रशिक्षण केन्द्रसमेत सञ्चालनमा ल्याएको भन्दै उनले खुसी व्यक्त गरे । हेटौंडा–१ नम्बर वडाका अध्यक्ष सविन न्यौपानेले रोजगारीको आकर्षक गन्तव्य कोरियामा कामदार पठाउनको लागि भाषा प्रशिक्षण दिएर योगदान दिएको भन्दै ल्याङ्वेज सेन्टरप्रति आभार व्यक्त गरे । साथै विद्यार्थीहरुलाई लगनशील भएर अध्ययन गर्न पनि उनले आग्रह गरे । कोरियामा सिकेर आएको सीपको नेपालमा अधिकतम उपयोग गरी देशमै केही महत्वपूर्ण काम गर्नुपर्नेमा पनि उनको जोड थियो । कार्यक्रममा मकवानपुर उद्योग वाणिज्य संघका कार्यसमिति सदस्य कृष्णप्रसाद ढुङ्गाना, नेपाल पत्रकार महासंघ मकवानपुरका अध्यक्ष हरि हुमागाईं प्रेस युनियन मकवानपुर अध्यक्ष कुमार अधिकारी लगायतले शुभकामना मन्तव्य व्यक्त गरेका थिए ।