सडक स्तरोन्नतीका लागि मूख्यमन्त्री र प्रतिपक्ष दलका नेतालाई ध्यानाकर्षण पत्र

१३ कार्तिक, हेटौँडा । ३ नम्बर प्रदेश अन्तर्गत पर्ने र काठमाडौँ जोडने सिस्नेरी दक्षिणकाली , कुलेखानी, हुमाने ,फर्पिङ सडकखण्ड जिर्णोद्वार गर्न मूख्यमन्त्री डोरमणी  पौडेल र प्रमूख प्रतिपक्ष दलका नेता ईन्द्रबहादुर   बानियाँलाई ध्यानाकर्षण पत्र बुझाईएको छ । 
३ नम्बर प्रदेशका मुख्यमन्त्री डोरमणी पौडेल र प्रमूख प्रतिपक्ष दलका नेता ईन्द्रबहादुर बानियालाई दक्षिणकाली नगरपालिकाका मेयर, वडाअध्यक्ष र ईन्द्रशरोबर गाउँपालिकाका वडा अध्यक्षहरु संयुक्त रुपमा सिस्नेरी दक्षिणकाली सडकखण्ड र कुलेखानी फाखेल हुमानेभञ्याङ्ग सडक स्तरोन्नती गर्न मंगलबार हेटौंडामा ध्यानाकर्षण पत्र बुझाएका हुन  । 
दक्षिणकाली नगरपालिकाका मेयर मोहन बस्नेत, ५ नम्बर वडाअध्यक्ष श्यामबहादुर खत्री,९ नम्बर वडा अध्यक्ष अमृका बलामी, ईन्द्रशरोबर गाउँपालिका ४ का वडा अध्यक्ष धनविर स्याङ्तानलगायत स्थानीयहरुले मूख्यमन्त्री पौडेल र प्रतिपक्ष दलका नेता बानियाँलाई ध्यानाकर्षण पत्र बुझाएका हुन् ।
ध्यानाकर्षण पत्र बुझ्दै मुख्यमन्त्री पौडेलले कुलेखानी फाखेल फर्पिङसम्मको बाटोलाई प्रदेश सरकारले ४ करोड छुट्याईसकेको र सिस्नेरी दक्षिणकाली सडकखण्डमा ठेकेदारले काम गर्नुभन्दा पहिल्यै रकम भुक्तानी लिएर गैइसकेको आफुले भर्खर मात्र थाहा पाएकोले  भन्दै  ठेकेदारसंग दुई तिन दिनभित्रै क्लियरेन्स लिएर ठेकेदारले काम नगरेपनि प्रदेश सरकारले काम थाल्ने बताए  ।
त्यसैगरी ३ नम्बर प्रदेशका प्रमूख प्रतिपक्ष दलका नेता बानियाँले केन्द्रको राजधानीबाट ३ नम्बर प्रदेश राजधानी जोडिने सिस्नेरी दक्षिणकाली सडकखण्ड प्रदेश सरकारले बनाउन तत्काल पहल गरिने प्रतिवद्धता व्यक्त गरेका छन ।  बानियाले ३ नम्बर प्रदेश सरकारले आफ्नो बजेट खर्च गर्न नसकिरहेको  अहिलेको अवस्थामा देशको राजधानि जोडने सडक  बनाउन जोडदार पहल गर्ने बताउएका हुन  ।