छतिवनमा आँखा उपचार केन्द्रको स्थापना

१४ कार्तिक, हेटौँडा । मकवानपुरको बकैया गाउँपालिकाको छतिवनमा बुधबार नियमित आँखा उपचार केन्द्र स्थापना भएको छ । नेपाल रेड्क्रस सोसाइटी उपशाखाको व्यवस्थापनमा आँखा उपचार केन्द्रको स्थापना भएको हो । हरेक महिनाको दोस्रो बुधबार संचालन हुने आँखा उपचार केन्द्रमा मोतिबिन्दु, जलबिन्दु तथा चश्मासमेत परिक्षण गरिनेछ ।
सामान्य आँखा जाँच गराउन समेत सदरमुकाम हेटौंडा पुग्नु पर्ने भएपछी हेटौंडा सामुदायिक आँखा अस्पतालको प्राबिधिक सहयोगमा आँखा उपचार केन्द्र स्थापना गरिएको रेड्क्रस उपशाखा सचिव प्रल्हाद्कुमार गौतमले बताए । बिहान ९ बजेदेखी ४ बजेसम्म केन्द्रमा डाक्टर सुशील सिंहको टिमले आँखा उपचार गर्ने छ्न। 
उपचार केन्द्रको स्थापनासंगै बुधबार नै १ सय जना आँखा रोगीको डाक्टर सिंह र कृष्ण कुसुवार परिक्षण गरेका थिए । बकैया गाउँपालिकाको आर्थिक सहयोगमा प्राथमिक स्वास्थ केन्द्रमा आँखा केन्द्र स्थापना भएको हो । नेपाल रेड्क्रस सोसाइटी जिल्ला शाखा सदस्य कृष्णप्रसाद चौलागाईं, बकैया गाउँपालिका अध्यक्ष दामोदर खनाल, उपाध्यक्ष सरला बोलखे रेड्क्रस छतिवनका सचीव प्रल्हाद गौतम र पत्रकार यादव चौलागाईं लगायतको उपस्तिथि रहेको थियो ।
(पत्रकार यादव चौलागाईको सहयोगमा)