मुनलाईटको अभिभावक भेला एवं बार्षिकोत्सव सम्पन्न

१९ कार्तिक, हेटौँडा । हेटौँडा–६ शान्तिटोलमा रहेको मुनलाईट इन्टरनेशनल स्कूलको अभिभावक भेला एवं बार्षिकोत्सव कार्यक्रम सम्पन्न भएको छ । हेटौँडा उपमहानगरपालिकाकी उपप्रमुख मिना लामाको प्रमुख आतिथ्यता एवं विद्यालय व्यवस्थापन समितिका अध्यक्ष बासुदेव सापकोटाको सभाध्यक्षतामा कार्यक्रम भएको हो । 
कार्यक्रममा हेटौँडा वडा नम्बर ६ का वडा अध्यक्ष अर्जुनप्रसाद चौलागाई, प्याव्सन मकवानपुरका अध्यक्ष मदनकुमार दाहाल, अभिभावक संघ मकवानपुरका अध्यक्ष साधुराम चौलागाई, विद्यालयका संस्थापक अध्यक्ष शिवदयाल यादव, सदस्य उदय विडारी, सुनगाभा शिक्षा निकेतनका अध्यक्ष ध्रुवप्रसाद चौलागाई, बाल जागृति युवा बर्ष माविका अध्यक्ष ईन्द्रमणी गौतम, विद्यालयका प्रवन्ध निर्देशक भरत सापकोटा लगायतले मन्तव्य व्यक्त गर्नुभएको थियो । 
शुभदिपावली एवं छठको अवसरमा आयोजित शुभकामना आदानप्रदान, अतिरिक्त क्रियाकलाप एवं सांस्कृतिक कार्यक्रममा विद्यालयका विद्यार्थी र अभिभावकले भाग लिएका थिए । सोही अवसरमा १५ कोठे विद्यालय भवन समेत उद्घाटन गरिएको थियो ।
मुनलाईट अध्यक्षमा पुनः सापकोटा
अभिभावक भेलाले पुनः बासुदेव सापकोटाको अध्यक्षतामा नयाँ विद्यालय व्यवस्थापन समिति चयन गरेको छ । समितिको सदस्यमा विदुर धिताल, सुशिला उप्रेति र देवी श्रेष्ठ रहेका छन् । त्यसैगरी, शिक्षक अभिभावक संघमा हरिशरण थापा, कृष्णा सापकोटा, गिता न्यौपाने र देबु तिमल्सिना रहेका छन् ।