उपमहानगरमा पछि गभिएका वडाहरुलाई साबिकको वडा झै विकास गर्छुः महत

२१ कार्तिक, हेटौँडा । हेटौंडा उपमहानगरपालिकाका मेयर हरिबहादुर महतले पछि उपमहानगर भएको वडालाई साबिकको वडा झै विकास गर्ने अभियानमा आफू रहेको जानकारी दिएका छन् । 
मङ्गलबार हेटौंडा–१४ मयुरधापमा मेरिगोल्ड बचत तथा ऋण सहकारी सस्थाको सम्पर्क कार्यालय उद्धाटनको प्रमुख अतिथि रहेका उनले साबिक गाबिसलाई साचैको उपमहानगर बनाउनु प्रमुख चुनौती रहेको बताएका हुन् । 
“जनप्रतिनिधिले काम गरि देखाउनुपर्छ, महतले भने, “फलानोलो पालामा यस्तो काम भो भन्ने चर्चा पछि सम्म हुनेगरी सबैले काम गर्नु अहिलेको आवश्यकता हो ।“ पछि उपमहानगर भएका केही स्थानमा अहिले पनि धेरै खालका समस्या रहेको उनले जानकारी दिए ।
फरक प्रसङ्गमा उनले मेरिगोल्ड सहकारीको मयुरधापमा खोलिएको सम्पर्क कार्यालयले बजारसम्म पुग्नुपर्ने अवस्थाको अन्त्य हुने दावी गरे । 
यस्तै हेटौंडा उपमहानगरपालिका ५ नम्बर वडा अध्यक्ष राजेश बानियाँले १४ नम्बर वडा अध्यक्ष दीपक खड्काको चर्चा गर्दै सहकारी आर्थिक समृद्धिको महत्त्वपूर्ण आधार भएको दावी गरे । “वडाको सर्वाङ्गिण विकासमा चिन्तित वडा अध्यक्ष पाउनु यो वडाबासीकै लागि खुसिको बिषय हो“, बानियाँले भने, “पछि उपमहानगर भएका वडाको विकासमा सबै एक हुनु आवश्यक छ ।“ 
१४ नम्बर वडा अध्यक्ष समेत रहेका मेरिगोल्डका अध्यक्ष दीपक खड्काले ग्रामीण क्षेत्र केन्द्रित सहकारीले आवश्यकता अनुसार अन्य विभिन्न स्थानमा पनि सम्पर्क कार्यालय खोल्दै जाने बताए ।
कार्यक्रममा चुरेहिल अस्पतालका प्रमुख डा. सुन्दर श्रेष्ठ, नारायणी मलका डाइरेक्टर कैलाश ढकाल, युवा व्यवसायीहरु प्रलाद मिश्र, विकेशलाल श्रेष्ठ, अन्जन दाहाललगायतको आतिथ्यता रहेको थियो । २०६९ सालमा स्थापना भएको सहकारीले हेटौंडाको स्कुलरोडबाट सेवा दिदै आएको थियो ।