मदिरा नियन्त्रणका लागि प्रदेश सरकार सुझाव संकलनमा

२८कार्तिक, हेटौँडा । मदिरा नियन्त्रण गर्न आवश्यक कानून निर्माणको लागि तीन नम्बर प्रदेश सरकारले छलफल अघि बढाएको छ । आन्तरिक मामिला तथा कानून मन्त्रालयले मदिराजन्य वस्तुको उत्पादन, विक्री वितरण, प्रयोय र सेवनलाई व्यवस्थिन गर्न ऐन निर्माणको लागि जिल्लातहबाटनै सुझाव संकलन थालेको हो । 

 मन्त्रालयले बुधबार हेटौंडामा मकवानपुर सहित चिवतवन, धादिङ, नुवाकोट र सिन्धुली जिल्लका सरोकारवालाहरुसँग अन्तरक्रिया गरेको सम्पन्न गरेको छ । कार्यक्रमा बोल्दै तीन नम्बर प्रदेशका मुख्यमन्त्री डोरमणि पौडेलले पहिलो चरणमा मदिरा बिक्रीको लागि बितरण दिइने  इजाजतमा कडाई गरिने भन्दै , मदिरा नियन्त्रणलाई पूर्ण ब्यवस्थित गर्न ऐन कार्यान्वयनसँगै स्थानीयहरुको सहयोग अपरिहार्य रहेको बताएका छन  । मुख्य मन्त्रि पौडेलले मदिरा उत्पादनसंगै त्यसको बिक्रि वितरण र प्रयोगले समाजमा बिकृती बढेको बताउदै प्रदेश सरकार त्यस्ता बिकृती र बिसङ्तीलाई नियन्त्रणको लागि जस्तो सुकै कदम चाल्न तयार रहेको बताए  । त्यसैगरी आन्तरिक मामिला तथा कानून मन्त्री शालिकराम जमरकट्टेलले दुई महिना भित्र मदिरा नियन्त्रण सम्बन्धी ऐन निर्माण गरी कार्यान्वयन गरिने बताए । मन्त्री जारकट्टेलले  सरोकारवालाहरुसँगको  छलफलपछि तुरुन्तै ऐन निर्माण गरी मदिराको उत्पादनेखि बिक्री र सेवनमा पनि कडाई गरिने बताए । कार्यक्रममा आन्तरिक मामिला तथा कानुन मन्त्रालयका सचिव राजकुमार श्रेष्ठले मदिरा र मदिराको असर, मदिराको नकरात्मक असर, मदिरासंग सम्बन्धित विद्यमान ऐन, कानुन, राष्ट्रिय मदिरा नियमन तथा नियन्त्रण नीति २०७३ जस्ता विषयहरुमा कार्यपत्र प्रस्तुत गरेका थिए । कार्यक्रममा मकवानपुर, धादिङ, नुवाकोट, सिन्धुली र चितवनका प्रमुख जिल्ला अधिकारी तथा प्रहरी प्रमुखले आफ्ना जिल्लामा भएका मदिराजन्य विषयमा तयार पारिएको कार्यपत्र समेत प्रस्तुत गरेका थिए । यता अन्तरक्रियामा सहभागिहरुले मदिरालाई पूर्ण निषेध भन्दा पनि बिक्री बितरणलाई ब्यवस्थित बनाईनुपर्नेमा जोड दिएका  थिए ।