हेटौँडाबाट राजधानी सारिए आन्दोलनको आँधीबेरी सिर्जना हुने 

३ मंसिर, हेटौँडा । मकवानपुरका  क्रियाशिल विभिन्न राजनितिकदल सर्मथन युवा संगठनहरुले प्रदेश नं ३ को राजधानी हेटौंडाबाट अन्यत्र सारिए कडा आन्दोलन गर्ने चेतावनी दिएका छन ।

मिडिया नेपाल मकवानपुरद्धारा सोमबार न्युज क्लब हेटौंडामा आयोजित  प्रदेश ३ को स्थायी राजधानी हेटौंडा निर्माणको लागि युवा संगठनहरुको भूमिका’ विषयक अन्तरक्रिया कार्यक्रममा बोल्दै मकवानपुरका विभिन्न राजनितिक दल सर्मथन युवा संगठनहरुले प्रदेश नं ३ को राजधानी हेटौंडाबाट अन्यत्र सारिए कडा आन्दोलन गर्ने चेतावनीे चेतावनी दिएका हुन् । कार्यक्रममा बोल्दै नेपाली कांग्रेस निकट तरुण दल मकवानपुरका अध्यक्ष ईश्वर पाठकले ३ नं प्रदेशको राजधानी हेटौंडा उपयुक्त रहेको भन्दै राजधानी सार्न खोजिए हेटौँडामा आन्दोलनको आँधीबेरी सृजना हुने बताए ।त्यसैगरी  कार्यक्रममा बोल्दै तत्कालिन एमाले निकट युवा संगठनका अध्यक्ष सन्तोष चौलागाईँले हेटौँडालाई राजधानी नबनाउने षड्यन्त्र भएको भन्दै षडयन्त्रसंग लडन तयार रहेको बताए ।

त्यसैगरी अन्तरक्रियामा बोल्दै राप्रपा निकट राष्ट्रिय प्रजातान्त्रिक युवक संगठनका नगर अध्यक्ष भृगु कार्कीले हेटौंडालाई राजधानी बनाउन  आफ्नो संगठनका नेता–कार्यकर्ताहरु मर्न र मार्न समेत पछि नहट्ने भन्दै राजधानी सारिए हेटौँडा  आन्दोलनको भेल बाढी आउने बताए ।  त्यसैगरी युवा शक्ति नेपाल मकवानपुरका अध्यक्ष सुदिप कार्कीले हेटौँडा सबै तवरले उपयुक्त भएको स्पष्ट पार्दै अनुपयुक्त हुनुको कारणबारे खुला बहस गर्न प्रदेशसभा सदस्यहरुलाई चुनौती दिएका छन ।

कार्यक्रम मिडिया नेपाल मकवानपुरका अध्यक्ष जिवराज बख्रेलको सभाध्यक्षतामा सम्पन्न  भएको थियो ।