डडेलधुरा बस दुर्घटनामा १८ को मृत्यु (नामसहित)

७ मंसिर, डडेल्धुरा । डा. केआई सिंह राजमार्गअन्तर्गत डडेल्धुराको अमरगढी नगरपालिका वडा नम्बर ११ रडुवा खोलामा बस दुर्घटना हुँदा मृत्यु हुनेको संख्या १८ पुगेको छ ।

बिहिबार साँझ भएको दुर्घटनामा १० जनाको घटनास्थलमै र ८ जनाको उपचारका क्रममा मृत्यु भएको प्रहरीले जनाएको छ । दुर्घटनामा २५ जना घाइते भएका छन् । अमरगढी–५ मा रहेको  उग्रतारा मन्दिरमा लागेको मेलाबाट घर फर्किँदै गरेको बस साँझ अध्यारो भएपछि दुर्घटना भएको जिल्ला प्रहरी कार्यालयका प्रहरी नायब उपरीक्षक डम्बरबहादुर केसीले बताए । से १ क २९३ नम्बरको बस सडकबाट करिब २०० मिटर तल खोलामा खसेको प्रत्यक्षदर्शीहरुले जनाएका छन् ।

दुर्घटनामा घाइते भएकाहरुको डडेल्धुरास्थित उपक्षेत्रीय अस्पताल उपचार भईरहेको छ । दुर्घटनामा मृत्यु भएका मध्ये १४ जनाको सनाखत भएको छ ।
सनाखत भएका मृतकहरुको नाम
१. केशव कठायत, वर्ष २१, कैलाली 
२. माया रावल, वर्ष १८, डडेलधुरा
३. शशी विक, डोटी
४. योगेन्द्र रावल, वर्ष ४०, डोटी
५. रोहित बलायर, वर्ष १६, डोटी
६. माया भाट, वर्ष २५, डोटी
७. कैलाश रावल, वर्ष ४०, डोटी
८. तिलक खाती, वर्ष २०, कैलाली
९. पुरण कठायत, वर्ष २३, कैलाली
१०. टेक धामी, कैलाली
११. योगेन्द्र बोहोरा, वर्ष २२, डोटी
१२. शारदा कठायत, वर्ष २०, कैलाली
१३. शंकर जोरा, डोटी
१४. चक्र धामी, वर्ष २२, डडेलधुरा