उपभोक्ता सचेत गराउदै उपभोक्ता मंच नेपाल मकवानपुर 

  १४मंसिर, हेटौँडा । उपभोक्ता मंच नेपाल मकवानपुरले उपभोक्ता सचेत गराउने अभियानमा जुटेको छ । यसै क्रममा उपभोक्ता मंच नेपाल मकवानपुरले हेटौडा १५ मा रहेको जनजागृति माध्यमिक विद्यालयमा उपभोक्ता सचेतना कार्यक्रम सम्पन्न गरेको छ ।

उपभोक्ता मंच मकवानपुर विद्यालयका कक्षा ७,८,९ र १०मा अध्ययनरत विद्यार्थीहरुलाई उपभोक्ताले पाउनु पर्ने गुणस्तरीय वस्तुको वारेमा ज्ञान दिने उदेश्यले सचेतना कार्यक्रम गरिको मंचका सचिव नवराज कोइरालाले बताए । उपभोक्ता मंच नेपाल मकवानपुरका अध्यक्ष कुमार पौडेलको सभाध्यक्षतामा तथा हेटौडा १५ का वडाध्यक्ष महारत्न गोलेको प्रमुख आतिथ्यतामा भएको कार्यक्रममा विद्यार्थीहरुलाई आम उपभोक्ताले पाउनु पर्ने अधिकार र त्यस्को ज्ञानको बारेमा जानकारी गराईएको थियो । कार्यक्रममा बोल्दै १५ का वडाध्यक्ष महारत्न गोलेले यस्ता प्रकारको शिक्षा र ज्ञानले विद्यार्थीहरुमा उपभोक्ताले पाउनु पर्ने अधिकारको विषयमा चेतना बढने बताए । त्यसैगरी विद्यालयका प्राचार्य खतिवडाले माध्यमिक तहको पाठयक्रममा यस विषय समावेश भएकाले विद्यार्थीहरुले गुणस्तरीय वस्तुको वारेमा बुभ्नै पर्ने बताएका छन । कार्यक्रममा विद्यालयका प्राचार्य दिपकलाल खतिवडा मंच मकवानपुरको सल्लाहाकार केशव श्रेष्ठ,उपाध्यक्षद्धय कपिल अर्याल, कृष्ण अर्याल,सदस्य विमला थिङ् लगायतकाको सहभागिता रहेको थियो ।