न्यूरेनी चिसापानी वनद्वारा पत्रकारसहित १० जनालाई सम्मान

१५ मंसिर, हेटौँडा । हेटौडा–७ मा रहेको न्यूरेनी चिसापानी सामुदायिक वन उपभोक्ता समूहको २८ औं वार्षिक साधारणसभा शनिवार सम्पन्न भएको छ । 
भेलामा समूहले गरेका कार्यहरुको  प्रचारप्रसार गराई प्रशंसनीय कार्य गरेकाले संचारकर्मी भीमसेन पौडेल र पुष्पराज अधिकारीलाई सम्मान गरिएको थियो । कार्यक्रममा समूहमा २४ वर्ष वन हेरालुको काम गरेका गोपाल प्रसाद पोखरेललाई नगद पुरस्कारसहित सम्मान गरिएको थियो । यसैगरी समूहका ज्येष्ठ सदस्य बेनीबहादुर परियार, रत्नकुमारी गौतम, सप्तादेवी न्यौपाने, सरसफाईतर्फ विष्णुप्रसाद ढुंगाना, पशुपालनतर्फ ईन्द्रबहादुर पाख्रिन, किसानतर्फ भक्त बहादुर बस्नेत, विकलाङ तर्फ कमलाकुमारी गौतम समेतलाई सम्मान गरिएको थियो । 
साधारणसभामा समूहका अध्यक्ष ज्ञान बहादुर क्षेत्रीले प्रगति प्रतिवेदन र कोषाध्यक्ष भरत अधिकारीले आर्थिक प्रतिवेदन प्रस्तुत गरेका थिए । हेटौडा–७ का वडा अध्यक्ष राजन थापाको प्रमुख आतिथ्यता एवम समूहका अध्यक्ष ज्ञान बहादुर क्षेत्रीको अध्यक्षतामा साधारणसभा भएको थियो । भेलामा सामुदायिक वन उपभोक्ता महासंघ, मकवानपुरका अध्यक्ष साधुराम चौलागाई, हेटौडा ईलाका वन कार्यालयका फरेष्टर यदुकुमार घिमिरे, रानी सामुदायिक वनका अध्यक्ष कृष्ण विडारी, जनकल्याण बचत तथा ऋण सहकारीका अध्यक्ष हिमाल पौडेल, संगालो टोल विकास संस्थाका अध्यक्ष देवप्रसाद भट्टराई, समूहका उपाध्यक्ष रामचन्द्र अधिकारी, रोमप्रसाद न्यौपाने लगायतले मन्तव्य व्यक्त गरेका थिए ।