अबैध रुपमा लगाईएको गाँजा र अफिम नष्ट गर्दै मकवानपुर प्रहरी

तस्विरः जिप्रका मकवानपुर

१९मंसिर, हेटौँडा । मकवानपुर जिल्लाको विभिन्न स्थानमा लगाइएको अबैध लागु औषध गाँजा तथा अफिम खेती नियंत्रण तथा फडानी कार्यमा मकवानपुर प्रहरी सक्रियता देखाएको छ ।

जिल्लाको राक्सिराङ, कैलाश, मनहरी र बकैया गाउपालिकाको बिभिन्न स्थानहरूमा भौगोलिक बिकटताको गलत फाईदा उठाउदै अबधै रुपमा लगाइएको गाँजा तथा अफिम खेती नियंत्रण,फडानी र नष्ट गर्न जिल्ला प्रहरी कार्यालय मकवानपुरले त्यस कार्यका लागि योजनाबद्ध रुपले प्रहरी टोली परिचालन गरि सक्रिया देखाएको हो । मकवानपुर प्रहरीले आर्थिक बर्ष २०७५।०७६ मा कुल २२१ बिगाह ४ कट्ठामा लगाइएको गाँजा तथा १०७ बिगाह क्षेत्रफलमा लगाईएको अफिम खेती नष्ट गर्ने लक्ष्य राखी ३ चरणको कार्ययोजना तयार गरि अबधै रुपमा लगाइएको गाँजा तथा अफिम खेती नियंत्रण,फडानी र नष्ट गर्न अभियाननै चलाएको हो ।  
पहरीले  पहिलो चरण अन्तर्गत असोज १८  गते देखी २४ गते सम्म जिल्लाको बिभिन्न प्रभाबित क्षेत्रहरुमा कुल १०९ जना प्रहरी कर्मचारी खटिई २८ बिगाह १० कट्ठा गाँजा र ८ बिगाह अफिम खेती नष्ट गरेको थियो । त्यसैगरी दोस्रो चरण अन्तर्गत  मंसिर १० गते देखि १५ गते सम्म कुल  ३६० जना प्रहरी टोली खटाई  ९९ बिगाह ७ कट्ठा गाँजा र १३ बिगाह अफिम खेती नस्ट गरेको छ ।  
त्यसैगरी केहि दिनमै तेस्रो चरणसम्ममा बाँकी रहेको ९३ बिगाह ६ कट्ठा गाँजा र ८६ बिगाह अफिम खेती नष्ट गर्ने योजना रहेको जिल्ला प्रहरी कार्यालय मकवानपुरका निम्ति प्रहरी प्रवक्ता प्रहरी निरीक्षक मधुकुमार थापाले  जानकारी दिएका छन । साथै निम्ति प्रहरी प्रवक्ता प्रहरी निरीक्षक थापाले उक्त स्थानमा प्रहरीले गाँजा तथा अफिम फडानिको साथसाथै स्थानिय जनसमुदायमा लागु औषधको उत्पादन, बेचबिखन र दुर्व्यशनी बिरुद्ध पर्चा पम्पलेट बितरण गरी जनचेतनामुलक कार्यक्रमहरु समेत सन्चालन गर्ने गरेको  बताए ।