उपभोक्ता मंच मकवानपुरको महेन्द्र उच्च माविमा सचेतना

२१ मंसिर, हेटौँडा । उपभोक्ता मंच नेपाल मकवानपुरले उपभोक्ता सचेत गराउने अभियानलाई जारी राखेको  छ । यसै क्रममा  शुक्रबार उपभोक्ता मंच नेपाल मकवानपुरले हेटौडा १३  मा रहेको  महेन्द्र  उच्च माध्यमिक विद्यालयमा उपभोक्ता सचेतना कार्यक्रम सम्पन्न गरेको छ ।

उपभोक्ता मंच मकवानपुर विद्यालयका कक्षा १०, ११ र १२ मा अध्ययनरत विद्यार्थीहरुलाई उपभोक्ताले पाउनु पर्ने गुणस्तरीय वस्तुको वारेमा ज्ञान दिने उदेश्यले सचेतना कार्यक्रम गरिको मंचका उपाध्यक्ष कपिल अर्यालले बताए । उपभोक्ता मंच नेपाल मकवानपुरका अध्यक्ष कुमार पौडेलको सभाध्यक्षतामा तथा हेटौडा १३ का वडाध्यक्ष मनोज वाइबाको प्रमुख आतिथ्यतामा भएको कार्यक्रममा विद्यार्थीहरुलाई आम उपभोक्ताले पाउनु पर्ने अधिकार र त्यस्को ज्ञानको बारेमा जानकारी गराईएको थियो । कार्यक्रममा बोल्दै १३ का वडाध्यक्ष मनोज वाइबाले यस्ता प्रकारको शिक्षा र ज्ञानले विद्यार्थीहरुले उपभोक्ताले पाउनु पर्ने अधिकारको विषयमा चेतना हुने बताए । कार्यक्रममा खाद्य प्रविधि तथा गुण नियन्त्रण कार्यलयका आकाश काफले, मानविय शहर हेटौंडा समुह का संयोजक मिलन पुडासैनी, मंचका उपाध्यक्ष कपिल अर्याल र सदस्य विमला थिङले सहजिकरण गरेका थिए । कार्यक्रममा विद्यालयका प्राचार्य विष्णु श्रेष्ठ, मंच मकवानपुरको सल्लाहाकार केशव श्रेष्ठ,उपाध्यक्ष, कृष्ण अर्याल, लगायतकाको सहभागिता रहेको थियो ।