केपि ओली नेतृत्वको सरकार पूर्णत असफल : कमल थापा

२४ मंसिर, हेटौँडा । राष्ट्रिय प्रजातन्त्र पार्टीका केन्द्रीय अध्यक्ष कमल थापाले केपि ओली नेतृत्वको वर्तमान सरकार पूर्ण रुपमा असफल भईसकेको बताएका छन् ।
राष्ट्रिय प्रजातन्त्र पार्टी ३ नम्बर प्रदेशस्तरीय प्रशिक्षण एवं सम्मेलनको सोमबार हेटौँडामा उद्घाटन गर्दै राप्रपा अध्यक्ष थापाले सरकार आप्mनो काममा पूर्ण रुपमा असफल भएको बताएका हुन् । उनले सरकार अपराध नियन्त्रण, सुशासन कायम गर्न र राष्ट्रिय पहिचान स्थापित गर्न असफल भएको बताए । न्यायपालिका, संवैधानिक अंग, शैक्षिक क्षेत्र पार्टीकरणको चपेटामा परेकोले अहिले सरकारको काम प्रभावकारी हुन नसकेको उनको भनाई थियो ।
उनले तराईमा अलग मधेश राज्यको माग गर्दै देश टुक्र्याउने आवाज उठाउँदा समेत सरकारले त्यसतर्फ ध्यान नदिएको भन्दै सरकारको आलोचना गरे । उनले सरकारको गलत कार्यशैलीका कारण राष्ट्र विखण्डन र धार्मिक द्वन्दको खतरा बढेको दावि गरे । कार्यक्रममा पार्टीका बरिष्ठ केन्द्रीय सदस्य रोशन कार्की, तोरणबहादुर गुरुङ, प्रवक्ता भुवन पाठक, सहायक महामन्त्री राजाराम वर्तौला, आदिवासी जनजाति विभाग प्रमुख राजेश लामा, प्रदेश ३ का उपाध्यक्ष निना भेटवाल, मधु अधिकारी, काठमाडौं सभापति नवराज सिम्खडा लगायतले मन्तव्य व्यक्त गरेका थिए ।
पार्टीको प्रदेशका जिल्ला, महानगर, नगर र गाउँपालिकाका नेतृत्वको सहभागिता रहेको २ दिने सम्मेलनमा पार्टीको भावी रणनीति, संगठन परिचालन लगायतको बारेमा छलफल हुने जनाईएको छ ।