सहिद स्मारक ‘ए’ डिभिजन लिगः सातौँ चरणका खेल सकिए

२४ मंसिर, हेटौँडा । काठमाडौँमा जारी सहिद स्मारक ‘ए’ डिभिजन लिग फुटबल प्रतियोगिता अन्तर्गत सोमबारका खेलहरुसँगै सातौ चराणका खेलहरु सकिएका छन् ।
सातौं चरणको समाप्तीसम्म २१ अंक जोडेको मनाङ मस्र्याङदी क्लब अंकतालिकाको शीर्ष स्थानमा छ । सोमबारको खेलमा मच्छिन्द्र क्लबलाई १–० गोल अन्तरले हराउँदै मनाङले शीर्ष स्थानको अग्रता फराकिलो पारेको छ ।
सोमबार ललितपुरको सातदोबाटोस्थित एन्फा कम्प्लेक्समा भएको खेलमा मनाङको जितका लागी अफिज ओलावालेले गरेको गोल निर्णायक बन्यो । 
यस अघि मनाङका अन्जन विष्टले प्रहार गरेको पेनाल्टीलाई मच्छिन्द्रका गोलरक्षक दीप कार्कीले उत्कृष्टा बचाउँ गरेका थिए । जितसँगै मनाङले लिगमा आफ्नो शतप्रतिशत विजयी यात्रालाई निरन्तरता दिएको छ ।
यस्तै लिगअन्तर्गत् सोमबार भएको पहिलो खेलमा त्रिभुवन आर्मी क्लबले ब्रिगेड ब्वाइज क्लबलाई १–० ले हरायो । खेलामा आर्मीलाई विजयी गराउन टंक बस्नेतले गरेको एकमात्र गोल निर्णायक बन्यो ।
यी खेलहरुपछि सहिद स्मारक ‘ए’ डिभिजन लिग फुटबलमा सातौं चरणका खेलहरु सकिएका छन् ।
सातौं चरणको समाप्तीसम्म २१ अंक जोडेको मनाङ अंकतालिकाको शीर्ष स्थानमा छ । १८ अंकका साथ थ्रीस्टार क्लब र संकटा क्लब क्रमशः दोस्रो तथा तेस्रो स्थानमा रहँदा चौथो स्थानको त्रिभुवन आर्मी क्लबको १७ अंक छ । नेपाल पुलिस क्लब र हिमालयन शेर्पाले ११/११ अंक जोडेका छन् ।
प्रतियोगिताअन्तर्गत् आठौं चरणका खेलहरु बिहीबारदेखि हुनेछन् ।