वडा अध्यक्ष बानियाँले गरे व्यक्तिगत खर्चमा ६० घरपरिवारको स्वास्थ्य विमा 

७ पुष, हेटौँडा । हेटौँडा उपमहानगरपालिका वडा नम्बर ५ का वडा अध्यक्ष राजेश वानियाँले आफनो व्यक्तिगत खर्चमा हेटौँडा ५ स्थित राईटोलका ६० घरपरिवारलाई निशुल्क स्वास्थ्य विमा गरिदिएका छन । 
स्थानिय निर्वाचनका समया बानियाँले आफु निर्वाचित भए सरकारका तर्फबाट पाउँने सरकारी तलव र भत्ता नलिने घोषणा गर्दै स्थानियको स्वास्थय शिक्षा जस्ता बृत्तिविकासमा खर्च गर्ने प्रतिबद्धता व्यक्त गरेका थिए । कार्यक्रममा बानियाँले सोही घोषणा अनुसारनै आफुले यस क्षेत्रका विपन्न परिवारका लागी स्वास्थ्य विमा गरेको बताए ।
काग्रेसबाट  वडा अध्यक्ष वानियाँल ६० परिवारको विमा गरे वापत १ लाख ५० हजार रुपैया व्यक्तिगत रुपमा प्रदान गरेका छन् । विमा वापत ६० परिवारले स्वास्थ्य उपचार खर्चमा प्रति परिबार ५० हजारका दरले ३० लाख बराबरको स्वास्थ्य सेवा लिन पाउने भएका छन् । 
कार्यक्रममा नेपाली कांग्रेस हेटौँडा नगर सभापति आनन्दराम पराजुपलीले वडा अध्यक्ष बानियाँले निर्वाचनका समयमा गरेको प्रतिवद्धता पुरा गरेर नेपाली कांग्रेस जे बोल्छ त्यही गर्छ भन्ने कुरा पुष्टि गरेको बताए । सभापति पराजुलीले बानियाँ बोलेर भन्दा काम गरेर देखाउँने जनप्रतिनिधि भएको उल्लेख गरे । 
यस्तै कार्यक्रममा नेपाल पत्रकार महासंघ तीन नम्बर प्रदेशका अध्यक्ष प्रताप विष्टले वडा अध्यक्ष बानियाँले निर्वाचनका बेला बोलेको कुरा उदाहरणीय कार्य गरेको भन्दै प्रशंसा गरे । 
कार्यक्रममा नेपाली कांग्रेस मकवानपुरका जिल्ला सदस्य भिमसेन महत, कांग्रेस हेटौँडा वडा नम्बर ५ का सभापती यमबहादुर श्रेष्ठ, नेपाल तरुण दल नगर सभापति सुनिल गिरी, नेपाली कांग्रेसका रेवतीरमण पहाडी, नेपाल पत्रकार महासंघ मकवानपुरका पूर्व अध्यक्ष राममणि दाहाल लगायतको उपस्थिति रहेको थियो ।