चित्रेपानी सामुदायिक वनको अध्यक्षमा पुनः घलान

सम्मान ग्रहण गर्दै संचारकर्मी भीमसेन पौडेल ।

७ पुस, हेटौँडा । हेटौँडा ६ र १५ मा रहेको चित्रेपानी सामुदायिक वन उपभोक्ता समूहको अध्यक्षमा पुनः सूर्यबहादुर घलान सर्वसम्मत चयन भएका छन् ।
समूहको शनिवार सम्पन्न भएको १९ औं वार्षिक साधारणसभाले घलानको अध्यक्षतामा ११ सदस्यीय नयाँ कार्यसमिति चयन गरेको हो । समितिको सचिवमा रजनी गौतम,कोषाध्यक्षमा ईन्दिरा जिम्वा चयन भएका छन । यसैगरी सदस्यहरुमा नलबहादुर लम्साल,देवी खड्का,घनप्रसाद सापकोटा,गिता खत्री,मीरा मुक्तान र सविना विक रहेका छन । उपाध्यक्ष र सहसचिव कार्यसमितिले नियुक्त गर्ने अधिकार दिईएको छ । यसैगरी लेखा समितिको संयोजकमा भानुप्रताप विडारी,सदस्यहरुमा गिता प्रसाद दुलाल र उषा घलान चयन भएका छन ।
भेलामा हेटौडा सव डिभिजन वन कार्यालयकी सहायक वन अधिकृत गायत्री शर्मा, संचारकर्मी भीमसेन पौडेल, ज्येष्ठ उपभोक्ता कमलामाई धिमाल,लालबहादुर थोकर, समूहकी कोषाध्यक्ष ईन्दिरा जिम्मा र उपभोक्ता विनोद थोेकरलाई सम्मानित गरिएको थियो ।
भेलामा समूहका अध्यक्ष सूर्यबहादुर घलानले प्रगति प्रतिवेदन र लेखा संयोजक भानुप्रताप विडारीले आर्थिक प्रतिवेदन प्रस्तुत गरेका थिए ।
हेटौडा–१५ का वडा अध्यक्ष महारत्न लामाको प्रमुख आतिथ्यता एवम समूहका अध्यक्ष सूर्यबहादुर घलानको अध्यक्षतामा साधारणसभा भएको थियो । भेलामा सामुदायिक वन उपभोक्ता महासंघ, ३ नम्बर प्रदेशका सदस्य रामहरी चौलागाई, जरुङशक्ति सामुदायिक वनका अध्यक्ष कुमारसिह खडका,समूहका सल्लाहकार बम बहादुर थिङ,ईन्द्रमणी गौतम,चुच्चेखोला सामुदायिक वनका कार्यालय सचिव केदारप्रसाद गौतम,समूहकी सदस्य सविना विक लगायतकाले मन्तव्य व्यक्त गरेका थिए ।