प्रधानमन्त्री रोजगार कार्यान्वयनमा चुनौतीः मुख्यमन्त्री पौडेल

फाइल फोटो

 ७ पुस, हेटौँडा। प्रदेश ३ का मुख्यमन्त्री डोरमणी पौडेलले प्रधानमन्त्री रोजगार कार्यक्रमको कर्यान्वयन गर्न निकै चुनौती रहेको बताएका छन । श्रम रोजगार तथा सामाजिक सुरक्षा मन्त्रालयले प्रधानमन्त्री रोजगार कार्यक्रमबारे जानकारी गराउने उद्धेश्यले शनिबार हेटौंडामा आयोजना गरीएको प्रदेश र स्थानीय तहसंगको गोष्ठिमा बोल्दै मुख्यमन्त्री पौडेलले यसो बताएका हुन ।

मुख्यमन्त्री पौडेलले सरकारले राज्यमा  रोजगारीको अवसर सृजना गर्न ल्याएको यस कार्यक्रम कार्यान्वयन गराउन निकै  चुनौती रहेको बताए । कार्यक्रममा श्रम रोजगार तथा सामाजिक सुरक्षा मन्त्रालयका सचिव महेश प्रसाद दाहालले २०७५–७६ को आर्थीक बर्षको बजेटमा रोजगारका नीति तथा कार्यक्रमहरु समावेश गरिएकोमा  सरकारले चालु बर्षका लागि सरकारले ३ अर्ब १० करोड रुपैंया विनियोजन गरेको बताउदै अब सबै  स्थानीय तहबाट बेरोजगारको  तथ्याङ्क संकलन गरी छिटो भन्दा छिटो सीप मुलक तालिम दिने बताए । कार्यक्रममा प्रदेश ३ का मुख्य सचिव आनन्दराज ढकाल, जिल्ला समन्वय समिति मकवानपुरका प्रमुख रघुनाथ खुलाल, हेटौंडा उपमहानगरपालिकाकी उपप्रमुख मिना लामा, थाहा नगरपालिकाका नगर प्रमुख लबशेर बिष्ट  लगाएतकाले विषय वस्तुबारे बोल्नुका साथै सुझाव दिएका थिए।   गोष्ठि पुस ८ गते आईतबारसम्म चल्ने बताइएको छ ।