पाटेबाघको छाला सहित ४ पक्राउ

फोटोःसुनिल प्रस्ट खबर

१३पुस, हेटौँडा । जिल्ला प्रहरी कार्यालय मकवानपुरले  ८ फिट ६ ईन्च लम्बाई र १ फिट १० ईन्च चौडाई भएको पाटेबाघको छाला सहित ४ जनालाई पक्राउ गरेको छ । जिल्ला प्रहरी कार्यालय मकवानपुरले शुक्रबार पत्रकार सम्मेलन गरी पाटेबाघको छाला सहित पक्राउ परेकालाई सार्वजनिक गर्दै यस बारेमा जानकारी दिएको हो।

मकवानपुर प्रहरीले मकवानपुरको उत्तरी क्षेत्र थाहा नगरपालिको केही ठाउमा  संरक्षीत जंगली जनावर बन्यजन्तु बाघको छालाको कारोबार हुदै गरेको भन्ने विशेष सूचनाको आधारमा  पाटेबाघको छाला सहित ४ जनालाई पक्राउ गरेको जनाएको छ । 
पाटेबाघको छाला सहित पक्राउ पर्नेमा काभ्रे बस्ने ३० बर्षीया  दिल बहादुर घलान, त्यसैगरी मकवानपुर थाहा ८ बस्ने  ३२ बर्षीया आत्माराम घलान,त्यस्तै थाहा वडा नं. ८ बस्ने  ३० बर्षीया  गोमलाल थिङ र धादिङ गजुरी गाउपालिका ८ सानोबाई बस्ने २७ बर्षीया  दिल बहादुर तामाङ रहेको जिल्ला प्रहरी कार्यालय मकवानपुरका निम्ति प्रमुख डिएसपि यज्ञ प्रसाद भट्टराईले बताएका छन ।
डिएसपि  भट्टराईले सेतो प्लास्टिकको बोरा भित्र लुकाई छिपाई ल्याएको मृत पाटे पाटेबाघको छला फेला पारे पश्चात उक्त पाटेबाघको छाला बरामद गरीएको बताए । उनले बन्यजन्तु संरक्षण संघको प्रतिनिधि र प्रहरी कार्यालयबाट खटिएको टोलीले बिशेश सुराकीको आधारमा खोजतलासको क्रममा  शंकास्पद रूपमा जिल्ला मकवानपुर थाहा न.पा. ३ स्थित दोबाटोमा डाँडाबास देखि पालुङ बजार तर्फ आइरहेको ना. ३५ प ४३४२ नम्बरको   मोटरसाइकल र ना. २ ह ३९२७ नं. को अटोमा सबार रहेको जिल्ला मकवानपुर थाहा नगरपालिका र काभ्रेका  गरी ४ जनालाई नियन्त्रणमा लिएको बताएको हो ।  पाटेबाघको छाला सहित पक्राउ परेकालाई  आवश्यक कारबाहीका लागि डिभिजन वन कार्यालय  पठाइएको जनाएको छ  ।