चलचित्र ‘चौका दाउ’ को टोली हेटौँडामा

१७ पुस, हेटौँडा । नेपाली चलचित्र ‘चौका दाउ’ को टोली चलचित्रको प्रवद्र्धनको क्रममा मंगलबार हेटौँडा आईपुगेको छ । टोलीले हेटौंडामा पत्रकार भेटघाट गर्दै चलचित्र पुस २७ गथेबाट शुक्रबारबाट देशभर प्रर्दशनमा आउने जानकारी दिएको छ । 
पत्रकार सम्मेलनमा बोल्दै निर्देशक पुर्णेन्द्र झाले चलचित्रमा विभिन्न हास्य कालाकारले अभिनय गरेको र चलचित्र समाजिक हास्य विदामा निर्माण गरिएकोले समाजमा देखिएको समस्यालाई हास्य व्यङ्ग तरिकाले चलचित्रमा उतारिएको बताए । उनले चौका दाउ पारिवारिक चलचित्र भएकोले परिवारका सबै सदस्य मिलेर हेर्न सकिने बताए । पत्रकार भेटघाटमा बोल्दै वरिष्ठ कलाकार एवं चलचित्रका पात्र सन्तोष पन्तले चलचित्रको कथा वस्तु राम्रो रहेकोले आफु पनि चलचित्र प्रति सकरात्मक रहेरले अभिनय गरेको बताउदै समाजको थर्थातलाई चलचित्रको पर्दामा कैद गरिएकोले सबैले हेर्नु पर्ने बताए । 
त्यसैगरी चलचित्रमा नायिकाको भुमिकामा देखा परेकि नायिका बर्षा राउतले मानिसले काम विगारेपछि त्यसको भागिदार आफै हुनु पर्ने भन्ने सन्देश चलचित्रले दिएको बताइन। चलचित्र पत्रकार संघ मकवानपुरका अध्यक्ष मणिराज गौतमको अध्यक्षतामा भएको कार्यक्रममा चलचिल निर्माण टोलीका सदस्य एवं पत्रकार डब्बु क्षेत्रीले चलचित्रको बारेमा सहजिकरण गरेका थिए ।
१ करोड रुपैया लागतमा निर्माण भएको चलचित्रको पुस२७गते शुक्रबारबाट हेटौँडा सहित एकसाथ देशभरका ८० वटा सिनेमा हलमा प्रर्दशन हुने बताईएको छ  ।
चलचित्र चौका दाउको र्टेलर