२९औँ प्रधानन्यायाधीशमा राणा नियुक्त, राष्ट्रपति भण्डारीले गराइन शपथ

१८ पुस, हेटौँडा । नेपालको २९औँ प्रधानन्यायाधीशको कार्यभार समालेका नवनियुक्त प्रधानन्यायाधीश चोलेन्द्रशम्शेर राणाले पद तथा गोपनीयताको शपथ ग्रहण गरेका छन। उनलाई बुधबार राष्ट्रपति विद्यादेवी भण्डारीले पद तथा गोपनीयताको शपथ ग्रहण को शपथ ग्रहण गराएकि हुन । राष्ट्रपति कार्यालय शीतलनिवासमा बुधबार विशेष समारोहका बीच राष्ट्रपति भण्डारीले नवनियुक्त प्रधानन्यायाधीश राणालाई पद तथा गोपनीयताको शपथ गराएकि हुन्।

समारोहमा उपराष्ट्रपति नन्दबहादुर पुन, प्रधानमन्त्री केपी शर्मा ओली, सभामुख कृष्णबहादुर महरा, कानून, न्याय तथा संसदीय मामिलामन्त्री भानुभक्त ढकाल, सर्वोच्च अदालतका न्यायाधीशलगायतको उपस्थिति रहेको थियो।

 
 यस्तो छ राणाको कानून व्यवसायी देखि प्रधानन्यायाधीश सम्मको इतिहास    
विसं २०१४ मङ्सिर २८ गते काठमाडौँको कालिकास्थानमा युवराजशम्शेर र उमा राज्यलक्ष्मीका सन्तानको रुपमा जन्मिएका राणाले त्रिभुवन विश्वविद्यालय नेपाल ल क्याम्पसबाट कानूनमा स्नातक गरेका छन। विसं २०३६ मङ्सिर ६ गतेदेखि अधिवक्ताको प्रमाणपत्र प्राप्त गरी विसं २०५२ चैतसम्म कानून व्यवसायीका रुपमा काम गरेका उनि न्यायपरिषद्को सिफारिशमा विसं २०५३ वैशाखदेखि पुनरावेदन अदालतको अतिरिक्त न्यायाधीशका रुपमा काम शुरु गरेका थिए । विसं २०५२ चैतमा अतिरिक्त न्यायाधीशको नियुक्ति लिएर विसं २०६१ चैत ३० स्थायी न्यायाधीशका रुपमा पुनरावेदन अदालतमा र विसं २०६५ असोज ७ गतेदखि विशेष अदालतमा काम गरेको अनुभव उनिसंग रहेको छ । राणा
 पुनरावेदन अदालत दीपायल, राजविराज, बुटवलमा कायममुकायम मुख्य न्यायाधीश रुपमा काम गरिसेकेका छन । विसं २०७१ जेठ १३ गते सर्वोच्च अदालतमा स्थायी न्यायाधीशका रुपमा नियुक्त भएका उनि मन्त्री परिषदको निर्णय अनुसार पुस१८ गते बुधबार (आजै) चार वर्षको कार्यकालका लागि प्रधानन्यायाधीशमा नियुक्त भएका छन ।