विपद कोष व्यबस्थापन सञ्चालन कार्यविधि पास  

१९पुस, हेटौँडा । प्रदेश ३ नम्बरको प्रदेश बिपद कोष व्यबस्थापन सञ्चालन   कार्यविधि २०७५ संशोधन सहित पास भएको छ ।

प्रदेश विपद व्यबस्थापन निर्देशक समितिका अध्यक्ष मुख्यमन्त्री डोरमणि पौडेलको अध्यक्षतामा विहिबार बसेको बैठकले संसोधन सहित कार्यविधि पास गरेको हो ।बैठकमा बोल्दै मुख्यमन्त्री पौडेलले प्राकितिक प्रकोपबाट मृत्यू भएका परिवारलाई क्षतिपूर्ति तथा अन्य धनजन क्षति भएकाहरुलाई राहत सहयोग समेत उपलब्ध गराउने निर्णय भएको बताए ।  मुख्य मन्त्री पौडेलले  पिडित परीवारलाई सरकारले अवस्था हेरेर सहयोग गर्ने सो सहयोग नदोहोरिने गरी ३ तहको  सरकारबाट उपलब्ध गराइने बताए ।  निर्देशक समितिमा मुख्यमन्त्री अध्यक्ष, आन्तरिक मामिला तथा कानुन मन्त्री उपाध्यक्ष हुने व्यबस्था छ । त्यस्तै आर्थिक मामिला तथा योजना मन्त्री, भौतिक पूर्वाधार मन्त्री, उद्योग, पर्यटन वन तथा वाताबरण मन्त्री, सामाजिक विकास मन्त्री, भूमि व्यबस्था, कृषि तथा सहकारी मन्त्री, प्रदेश सभाका विपक्षी दलका नेता, प्रदेशका प्रमुख सचिब, प्रदेश नीति तथा योजना आयोगका उपाध्यक्षहरु सदस्य हुने व्यबस्था रहेको छ ।

त्यसैगरी प्रदेश सभाका सदस्य एक जना महिला सहित ३ जना, विपदका क्षेत्रमा विज्ञता हासिल गरेका व्यक्तिहरुबाट एक जना महिला सहित २ जना सदस्य हुने व्यबस्था रहेको छ । आगामी बैठकबाट ५ जना सदस्यहरु मनोनित हुने समितिका उपाध्यक्ष एबम् आन्तरिक मामिला तथा कानुन मन्त्री शालिकराम जम्कट्टेलले जानकारी दिए । बैठकमा उद्योग, पर्यटन, वन तथा वाताबरण मन्त्री अरुण नेपाल, आर्थिक मामिला तथा योजना मन्त्री कैलाश ढुंगेल, भूमि व्यबस्था, कृषि तथा सहकारी मन्त्री दावादोर्जे लामा, प्रमुख सचिब आनन्दराज ढकाल, प्रदेश नीति तथा योजना आयोगका उपाध्यक्ष डा. खिमलाल देबकोटा, आन्तरिक मामिला तथा कानुन मन्त्रालयका सचिब राजकुमार श्रेष्ठ लगायतकाको सहभागीता रहेको थियो।