मकवानपुर प्रहरीले गर्‍यो भदौ देखि हाल सम्म २६ बिगाह १६ कठ्ठा गाँजा खेती नष्ट  

फोटोःजिप्रका मकवानपुर

१९पुस, हेटौँडा । जिल्ला प्रहरी कार्यालय मकवानपुरले गाँजा तथा अफिम खेती फडानी कार्यलाई जारी राखेको छ । यसै क्रममा कार्यलायले  २०७५ साल भाद्र महिना देखि पुस १९ गते सम्म जिल्लाको राक्सिराङ तथा बकैया गाउँपालिकाका विभिन्न वडाहरूमा लगाइएको २६ बिगाह १६ कठ्ठा गाँजा खेती नष्ट गरेको जनाएको छ ।  

जिल्ला प्रहरी कार्यालय मकवानपुरले ३२४ जनाको प्रहरी टोलि बनाई राक्सिराङ तथा बकैया गाउँपालिकाका विभिन्न वडाहरूमा लगाइएको  २६ बिगाह १६ कठ्ठा गाँजा खेती नष्ट गरेको  जिल्ला प्रहरी कार्यालय मकवानपुरका निम्त प्रहरी प्रमुख  प्रहरी नायब उपरीक्षक यज्ञ प्रसाद भट्टराईले बताएका छन ।  यसैगरी प्रहरी नायब उपरीक्षक भट्टराईले  जिल्ला प्रहरी कार्यलय मकवानपुरले यस आर्थीक बर्षमा हालसम्म १ हजार १सय ५५ प्रहरी  परिचालिन गरी  जिल्लाको विभिन्न गाउपालिका र नगरपालिकाको विभिन्न वडाहरुमा  लगाइएको  कूल २८९ बिगाह १५ कठ्ठा १० धुर लागु औषध गाजा र ३१ बिगाह ७ कठ्ठा अफिम गरी कूल ३२१ बिगाह २ कठ्ठा १० धुर गाँजा तथा अफिम खेती फडानी गरी नष्ट गरीएको बताएका छन ।
लागु पदार्थको प्रयोग ,खेती, कारोबार विरुद्ध सचेतनापूर्ण कार्यक्रमहरु पनि सञ्चालन गरिएको बताउदै फडानि गर्न बाकि रहेका क्षेत्रहरुमा आगामी साता नै थप टोली परिचालन गरि अवैध रुपमा लगाईएको गाँजा तथा अफिम खेती फडानी गरी नष्ट गरीने उनले बताएका छन ।