नवोदयको आयोजनामा बाल साहित्य महोत्सव 

२१ पुस, हेटौँडा । हेटौँडा ४ कमलडाँडामा रहेको नवोदय शिशु सदनको आयोजनामा हेटौंडामा  प्रथम पटक १दिने हेटौंडा बाल साहित्य महोत्सवको आयोजना गरिएको छ । महोत्सवमा कथा लेखन र वाचन, कविता,नाटक लेखन, पुस्तक प्रदर्शनी, फेस पेन्टिङ, पुतली प्रदर्शनीको आयोजना गरीएको थियो  ।
महोत्सवमा चर्चित हाँस्यकलाकार तथा लेखक मदनकृष्ण श्रेष्ठले हामी सबैले कलिला नानिबाबुहरुको मनोविज्ञानलाई बुझनु पर्ने भन्दै बाल साहित्यले बालबालिकालाई उर्जा प्रदान गर्ने बताएका थिए  भने कार्यक्रममा युवा लेखक सुविन भट्टराईले आफु कसरि लेखक भएको भन्नेबारे बताएका थिए । उनले सुरुमा लेखक नभई पाठक भएको तर पछि पाठकबाट  लेखक भएको बताएका थिए ।  त्यसैगरि कलाकार तथा गायक यमन श्रेष्ठले महोत्सवमा  गीत प्रस्तुत गरेका थिए ।त्यसैगरी साहित्यकार अनुराधा, अनन्त प्रसाद वाग्ले, गीतेश प्याकुरेल, सुमन महर्जन लगायतले आफ्नो प्रस्तुती दिएका थिए । 

नवोदय शिशु सदनका विद्यालय व्यवस्थापन समितिका अध्यक्ष  पुरन बहादुर जोशीको सभाध्यक्षतामा भएको कार्यक्रममा, हेटौंडा उपमहानगरपालिकाका नगर प्रमुख हरिबहादुर महत, थाहानगरका  नगर प्रमुख लबशेर विष्ट, विद्यालयका प्रिन्सिपल शकुन्तला जोशी, पत्रबार, विभिन्न संघ संस्थाका प्रतिनिधी साहित्यकारहरुका साथै मकवानपुरका विभिन्न नीजि तथा समुदायिक विद्यालयका विद्यार्थी, शिक्षक तथा अभिभावकहरुको सहभागिता रहेको थियो ।