किन स्कुलरोडमा परेको भ्वाङ अझै टालिएन ?

सुनिल शिवाकोटी

२४ पुस ,हेटौँडा । २० दिन भइसक्दा पनि हेटौँडा ४ स्कुलरोडमा परेको भ्वाङ अझै नटालिदा हेटौँडाको भिडभाड हुने क्षेत्र अन्र्तगत पर्ने स्कुलराडेका व्यापारी, स्थानिय उपमहानगरपालिका देखि आक्रोशित बनेका छन । 
उपमहानगरपालिले पुस ४ गते स्कुल रोडको भ्वाङ हाल सम्म टाल्न नसक्दा उनिहरु उपमहानगरपालिका प्रति  आक्रोशित बनेका हुन । व्यस्त स्कुल रोडको उक्त क्षेत्रमा पुस ४ गते बुधबार एक्कासी सडक भास्सीएर भ्वाङ परेको थियो । 
भ्वाङ परेको आज मंगलबार २० दिन भइसक्दा पनि उक्त भ्वाङ लाई टाल्ने प्रयास नयरेको प्रति व्यवसायी आक्रोशित भएका हुन । 
‘सधै यो बाटो भएर मेयर साप मनिङ् वाक गर्नु हुन्छ, हेटौँडा ४ का वडाध्यक्ष यहि बाटो भएर ओहोर दोहोर गर्नु हुन्छ तर भ्वाङ लाई टाल्ने प्रयास भएको छैन‘ व्यवसायी राजन न्यौपानेले प्रस्ट खबर संग आक्रोस पोखे ।  अर्का व्यवसायी सरोज अधिकारीले हामी नगरपालिकालाई कर बुझाउछौ, झन जनप्रतिनिधि आएपछि काम होला भनेको तर त्यसो हुन नसकेको बरु कानमा तेल हालेर बसेको प्रतिक्रिया दिए । 
उपमहानगरपालिले मर्मत संहार गर्नुको सट्टा उक्त क्षेत्रमा अहिले समान्य गिट्टी हालि खाल्टो पुरेर डिभाइर राखी सडक जोखिमपुर्ण भएको संकेत गरेको पाईन्छ ।