मृगौला रोगबाट पीडित वाईवालाई सहयोगको आग्रह 

 २४ पुस, हेटौँडा । मकवानपुर मनहरी गाउँपालिका वडा नंबर ३ का हाडिखोला डोटे निवासी २६ वर्षीय विरबहादुर वाईवाले आफ्नो जिवन रक्षाको लागि सबै संग सहयोगको आग्रह गरेका छन । 
२६ वर्षीय मृगौला फेल भई उपचार गराई रहेका विरबहादुर वाईवाको परिवारजनले मंगलबार  न्युज क्लब नेपाल हेटौँडामा पत्रकार सम्मेलनको आयोजना गरि सबैलाई आर्थिक सहयोग गरि वाईवाको जिवन रक्षाको  लागि आग्रह गरेका हुन् । पत्रकार सम्मेलनमा  बोल्दै वाईवाका बुबा आशाकाजी वाईबाले  आर्थीक अवस्था कमजोर रहेकोले छोराको उपचार गराउन नसकेको भन्दै सबैसंग सहयोगको आग्रह गरेको बताए । उनले छोराको उपचारको लागि हालसम्म ९ लाख सकिएको अब आफुसंग भएको सबै सकिएकोले उपचार गर्न नसक्ने भन्दै सहयोग गर्न सबैलाई अनुरोध गरे । वाईवालाई सहयोग गर्न चाहानेहरुले आशाकाजी वाईवाको नाममा रहेको नेपाल एसविआई बैंकको खाता नम्बर २००१५२४०७०२१९६ मा सहयोग गर्न अनरोध गरेका छन । 
पत्रकार सम्मेलनमा बोल्दै पुर्व सांसद राजाराम स्याङ्तानले मानविय भावनाले सबै क्षेत्रबाट सहयोग भए वाईवाको ज्यान बचाउन सकिने भन्दै देश विदेशमा रहेका सबै नेपालिले सहयोग गरिदिन अनुरोध गरेका छन । त्यसैगरी मृगौला पिडित वाईवाले आफुले विगत १ बर्ष देखि हेटौँडा ११ मा रहेको चुरे हिल अस्पतालमा  डायलासिस  गर्दै आएको  बताए । उनले हप्तामा २ पटक डायलासिस  गनु पर्ने भएकाले भएको पैसा सबै सकिएको भन्दै मृत्युको प्रतिक्षा गर्नुको विकल्प नभएकोले उपचारको लागि आर्थिक सहयोगको लागि आग्रह गरेको बताए ।