राजदेवी दुग्ध सहकारीको भेला सम्पन्न

Google Photo

२९ पुस, हेटौँडा । हेटौडा–१७ राजदेवीमा रहेको राजदवी दुग्ध उत्पादक सहकारी संस्थाको २४ औं वार्षिक साधारणसभा सम्पन्न भएको छ । 
साधारण सभामा संस्थाका अध्यक्ष रामप्रसाद तिमल्सिनाले संस्थागत प्रतिवेदन, लेखा सुपरीवेक्षण समितिका संयोजक रमेशकुमार पराजुलीले लेखा परीक्षण प्रतिवेदन,ऋण उपसमितिका संयोजक टीका कार्कीले ऋण समितिको प्रतिवेदन र व्यवस्थापक घनश्याम दाहालले चालु आव ०७५/०७६ को लागि २ करोड १७ लाखको अनुमानित आयव्यय विवरण प्रस्तुत गरेका थिए ।
भेलामा संस्थालाई सहयोग गर्ने सूर्यप्रसाद चौलागाई,असली ऋणीमा रुद्रप्रसाद न्यौपाने, रामकुमारी कार्की, धेरै दूध विक्री गर्ने तुलसी धमला, शारदा तिमल्सिना, बुद्धिकृष्ण सापकोटा, सरसफाईमा माधव न्यौपानेलाई पुरस्कृत गरिएको थियो । 
हेटौडा–१७ का वडा अध्यक्ष भैरब बहादुर राईको प्रमुख आतिथ्यता एवम सहकारीका अध्यक्ष रामप्रसाद तिमल्सिनाको अध्यक्षतामा भेला सम्पन्न भएको थियो । भेलामा हेटौडा–१७ का वडा सदस्य भीमप्रसाद अधिकारी,मकवानपुर जिल्ला दुग्ध उत्पादक सहकारी संघका व्यवस्थापक कुमारमणी दहाल,लक्ष्मीनारायण दुग्ध उत्पादक सहकारी संस्थाका उपाध्यक्ष रचुत देवकोटा, समाजसेवी कृष्णप्रसाद नेपाल लगायतकाले मन्तव्य व्यक्त गरेका थिए ।