हेटौँडामा पनि मनाईयो भुकम्प सुरक्षा दिवस

 २ माघ, हेटौँडा । २१ औं भुकम्प सुरक्षा दिवस हेटौँडामा पनि मनाईएको छ । भुकम्प सुरक्षा दिवस  अवसरमा एक कार्यक्रमको आयोजना गरी मनाइएको हो ।

जिल्ला प्रशासन कार्यालय मकवानपुरकोे आयोजनामा “विपदबाट सुरक्षित हुने नागरिक अधिकार, पुरा गर्न जिम्मेवार संघ, प्रदेश र स्थानिय सरकार” भन्ने नाराका साथमा कार्यक्रमको आयोजना गरी भुकम्प सुरक्षा दिवस मनाइएको हो । कार्यक्रम अनुदान व्यवस्थापन तथा स्थानिय पुर्वधार हेटौडाका आयोजना प्रमुख सोमनाथ तिम्लसिनाले भुकम्पको परिचय, विभिन्न समयका नेपालमा गएको भुकम्प , भुकम्प पछि मकवानपुर जिल्लामा भएको पुनर्निर्माण सम्बन्धी विवरण, भुकम्पीय जोखिम न्युनिकरणबारे मकवानपुरमा भुकम्प पिडितको अवस्था र समस्याको बारेमा प्रस्तुतिकरण गरको थिए । प्रमुख जिल्ला अधिकारी अस्मान तामाङको अध्यक्षतामा भएको कार्यक्रममा प्रदेश नं. ३ का मुख्यमन्त्री तथा मन्त्री परिषद्का प्रमुख सचिव आनन्दराज ढकाल, जिल्ला समन्वय समितिका प्रमुख रघुनाथ खुलाललगायत पत्रकार, विभिन्न सरकारी कार्यालयका प्रमुखहरुको लगायतको सहभागिता रहेको थियो।

कार्यक्रम मार्फत जिल्लाका विभिन्न गाउपालिका र नगर भित्र पुननिर्माण सम्पन्न भएका करिब ३ वटा विद्यालयलाई पुननिर्माण सम्पन्न  पत्र हस्तानतरण गरिएको थियो ।