विजय उत्सव मनाउन राष्ट्रपति भण्डारी गढी आउने 

३ माघ, हेटौँडा । गोरखालि फौजले परास्त गरी भगाएको सम्झनामा मकवानपुर गढी दरबारमा हरेक बर्ष माघ १० गते मनाउदै आएको विजय उत्सव यस बर्ष पनि मनाईने भएको छ । हेटौँडा बजारबाट १६ किलोमिटर पुर्व मकवानपुर गढी गाउपालिका २ मा पर्ने उक्त क्षेत्रमा यस बर्ष हर्ष अल्लासका साथ उत्सव मनाउने तयारी भईरहेको र तयारी अन्तिम चरणामा पुगेको बताईएको छ । बिहिबार गढी गाउँपालिले हेटौँडामा पत्रकार सम्मेलनको आयोजना गरी यस विषयमा जानकारी गराएको हो । 
पत्रकार सम्मेलनमा गढी गाउँपालिका अध्यक्ष बिदुर हुमागईले यस बर्ष विजय उत्सव कार्यक्रममा राष्ट्रपति विद्यादेवी भण्डारीको प्रमुख आतिथ्यता रहने जानकारी दिएका छन । अध्यक्ष हुमागईले राष्ट्रपति भण्डारीबाट गढी दरबार परिसरमा झण्डात्तोलन गर्ने र परिसरमै निर्माणा गरिएको नेपालको सातै प्रदेश झल्कने नक्साको अनावरण समेत गरिने बताएका छन ।उनले कार्यक्रमको पंचारका लागि साईकिलिङ् संघ मकवानपुरको आयोजनामा माघ ५ गते शनिबार हेटौँडाको बुद्ध चोक देखि दरवार परिसर सम्म साईकल र्‍यालीको समेत आयोजना गरीएको बताए ।   सन १७६३ जनवरी २०मा मुगल सेनाको फौजलाई गोरखाली सेनापतिहरु वशराज पाण्डे, केहरसिंह बस्नेत र रामकृष्ण कुवँर नेतृत्वको गोरखालि फौजले परास्त गरी भगाएको सम्झनामा हरेक बर्ष माघ १० गते गढी परिसरमा विभिन्न कार्यक्रम गरी विजय उत्सव मनाउने गरिन्छ ।