माघ १० को आन्दोलनका लागि तरुणको ५ उपसमिति

५ माघ, हेटौँडा । नेपाल तरुण दल मकवानपुरले माघ १० गते गर्न लागेको प्रदेशस्तरीय आन्दोलनका लागि तयारीको कामलाई तिब्रता दिएको छ । आन्दोलनका लागि शनिबार बसेको तरुण दल जिल्ला कार्यसमितिको बैठकले विभिन्न उपसमिति गठन गरेको छ ।
बैठकले प्रचारप्रसार उपसमिति संयोजकमा उपाध्यक्ष रामकुमार रायमाझी, आर्थिक उपसमितिको संयोजकमा जिल्ला कोषाध्यक्ष सूर्य रोक्का, यातायात उपसमिति संयोजकमा जिल्ला सदस्य साधुराम कठायत समिर, स्वयंसेवक उपसमिति संयोजकमा जिल्ला सदस्य राजकुमार बास्तोला र साउन्ड सिस्टम एवं मञ्च व्यवस्थापन उपसमिति संयोजकमा सदस्य निकेस लामालाई जिम्मेवारी दिईएको छ । उपसमिति संयोजकले ५ सदस्यीय समिति बनाउने अधिकार समेत दिईएको छ । 
तयारीबारे जानकारी दिंदै जिल्ला अध्यक्ष ईश्वर पाठकले प्रदेशस्तरीय आन्दोलनका लागि नेपाली कांग्रेसका प्रदेशभर रहेका पार्टी सभापतिहरु र तरुण अध्यक्षसंग समेत समन्वय भईरहेको बताए । तरुण दलले सरकारको गलत कार्यशैलीको विरुद्धमा माघ १० गते हेटौँडामा प्रदेशस्तरको आन्दोलन गर्ने र जनहितमा काम गर्नका लागि सरकारलाई दवाव सिर्जना गर्ने उनले बताए । 
आन्दोलनको तयारी ६० प्रतिशत सकिएको उनको भनाई छ । बैठकमा तरुण विभाग प्रमुख अर्जुन तिवारी, जिल्ला सदस्य नवराज वर्तौला लगायत तरुण नेता, कार्यकर्ताको सहभागिता रहेको थियो ।