सुनगाभा सहकारी र विद्यालयको साधारणसभा

१२ माघ, हेटौँडा । हेटौडा–६ चौघडामा रहेको सुनगाभा बहुउद्धेश्यीय सहकारी संस्था र सुनगाभा शिक्षा निकेतन ईङ्लिस बोडिङ स्कूलको १४ औं वार्षिक साधारणसभा शनिवार सम्पन भएको छ । 
साधारणसभामा संस्थाका प्रवन्ध संचालक रामहरी चौलागाईले चालु आव ०७५/७६ को लागि २ करोड ४२ लाखको अनुमानित आयव्यय विवरण, लेखा सुपरीवेक्षण समितिका सदस्य जयप्रकाश घिमिरेले आव ०७४/०७५ को लेखा परीक्षण प्रतिवेदन र विद्यालय व्यवस्थापन समितिका अध्यक्ष ध्रुवप्रसाद चौलागाईले विद्यालयको प्रगति प्रतिवदेन प्रस्तुत गरेका थिए । हेटौँडा उपमहानगरपालिका ६ का वडा अध्यक्ष अर्जुनप्रसाद चौलागाईको प्रमुख आतिथ्यता एवम सहकारीका अध्यक्ष रामहरी न्यौपानेको अध्यक्षतामा साधारणसभा भएको थियो ।
साधारणसभामा संस्थाका संस्थापक अध्यक्ष बासुदेव अधिकारी, हेटौडा ६ का वडा सदस्य शुभद्रा तिमल्सिना, बंशगोपाल माविका प्रधानाध्यापक रमेश लामिछाने, अध्यक्ष श्यामप्रसाद श्रेष्ठ, संस्थाका पूर्व सचिव तारानाथ खतिवडा, संचारकर्मी भीमसेन पौडेल, शेयर सदस्य डिल्लीराम पौडेल, सीमा हुमागाई लगायतले मन्तव्य व्यक्त गरेका थिए ।
कक्षा १० सम्म अध्यापन भईरहेको विद्यालयमा हाल ५४५ विद्यार्थीहरु रहेका छन् । निकट भविष्यमा कक्षा १२ सम्म अध्ययन गराउने लक्ष्य रहेको विद्यालय प्रशासनले जनाएको छ ।