मोबाईल व्यापारी मोबाईल खरिद तथा बिक्री गर्दा सावधान हुनुपर्छ: डिएसपी भट्टराई

 १२ माघ,हेटौंडा। जिल्ला प्रहरी कार्यालय मकवानपुरका प्रहरी नायब उपरिक्षक यज्ञ प्रसाद भट्टराई  मोवाईल एशोसिएसन अफ नेपालले एक दिने मोवाईल सफट्वेयर तालिम तथा अन्तरक्रीया कार्यक्रमको उद्घाटन गर्दै केही दिन अघि स्व.सञ्चारकर्मी मनोहर ढकालको हत्यामा संलग्न भएका व्यक्तिहरू मोबाईल बिक्री गरेकै कारणले हाल मोवाईल खरिद गर्ने मोबाईल व्यवसायी पनि सजाय भोग्नु परेको बताएका छन्। 

यस्ता खाले घट्नाबाट बच्नको लागि मोवाइल व्यवसायीहरु चलाख हुन जरुरी रहेको भट्टराइले बताए ।

पसलमा आउने व्यक्तिहरूले ल्याएको मोबाईल चोरी तथा अपराधमा संलग्न रहेको शंका लागेमा तुरुन्त प्रहरीलाई खबर दिनु अनुरोध गरेका छन् । मोबाईलकै कारणले समेत त्यस्ता अपराधिक घट्नामा संलग्न व्यक्ति समेत पत्ता लाग्ने भएकोले व्यवसायीहरुले चिन्ताजनक विषयमानी डकुमेन्टहरुको समेत राख्ने व्यवस्था गर्नुपर्ने भट्राईले बताए ।

कार्यक्रममा आन्तरिक राजश्व कर कार्यालय मकवानपुरका कर अधिकृत तिलक आले, हेटौंडा वडा नं. १ का वडा अध्यक्ष सविन न्यौपाने, एशोसिएसनका संस्थापक अध्यक्ष छतेन्द्र आचार्य लगायतको उपस्थिती रहेको थियो । कार्यक्रमको उद्घाटन एशोसिएसनका महासचिव माधव पौडेले गरेका थिए भने, अध्यक्ष एशिस रिजालको अध्यक्षतामा सम्पन्न भएको थियो ।